સાનિયા મિર્ઝાને તેના છેલ્લા ગ્રાન્ડ સ્લેમમાં હાર મળી હતી. મિક્સ ડબલ્સની ફાઇનલમાં સાનિયા અને રોહન બોપન્ના 6-7, 6-2થી હારી ગયા હતા
સાનિયા મિર્ઝાને તેના છેલ્લા ગ્રાન્ડ સ્લેમમાં હારનો સામનો કરવો પડ્યો
સાનિયાનું વિજયી વિદાયનું સપનું ચકનાચૂર
કેવું રહ્યું સાનિયાનું કરિયર
ભારતીય ટેનિસ સ્ટાર સાનિયા મિર્ઝાને તેના છેલ્લા ગ્રાન્ડ સ્લેમમાં હારનો સામનો કરવો પડ્યો છે. જો કે એ વાત અઆપણે બધા જાણીએ છીએ કે સાનિયા મિર્ઝાએ પહેલેથી જ જાહેરાત કરી દીધી હતી કે ઓસ્ટ્રેલિયન ઓપન તેની છેલ્લી ગ્રાન્ડ સ્લેમ ટૂર્નામેન્ટ હશે. જણાવી દઈએ કે આ ટુર્નામેન્ટમાં તેને બે કેટેગરીમાં ભાગ લીધો હતો. મહિલા ડબલ્સમાં સાનિયાની કઝાકિસ્તાનની અન્ના ડેનિલિના સાથે જોડી બનાવી હતી અને મહિલા ડબલ્સના બીજા રાઉન્ડમાંથી બંને બહાર થઈ ગઈ હતી. આ સાથે જ મિક્સ ડબલ્સમાં સાનિયાએ રોહન બોપન્ના સાથે જોડી બનાવીને ફાઇનલમાં જગ્યા બનાવી હતી પણ તેના છેલ્લા ગ્રાન્ડ સ્લેમમાં ચેમ્પિયન બનવાનું તેનું સપનું ફાઇનલમાં હાર સાથે સમાપ્ત થઈ ગયું.
સાનિયાનું વિજયી વિદાયનું સપનું ચકનાચૂર
સાનિયા મિર્ઝાને તેના છેલ્લા ગ્રાન્ડ સ્લેમમાં હાર મળી હતી. મિક્સ ડબલ્સની ફાઇનલમાં સાનિયા અને રોહન બોપન્ના 6-7, 6-2થી હારી ગયા હતા અને આ હાર સાથે સાનિયાનું વિજયી વિદાયનું સપનું પણ ચકનાચૂર થઈ ગયું. જણાવી દઈએ કે ઓસ્ટ્રેલિયન ઓપનની મિક્સ્ડ ડબલ્સની ફાઇનલમાં બ્રાઝિલની લુઈસા સ્ટેફની અને રાફેલ માટોસની જોડીએ સાનિયા અને રોહનને હરાવ્યા હતા.ફાઈનલમાં હાર બાદ બોલતા સાનિયા ખૂબ જ ભાવુક થઈ ગઈ અને પોતાના આંસુ રોકી શકી નહીં.
મેચમાં શું થયું?
ઓસ્ટ્રેલિયન ઓપન 2023માં ફાઈનલ પહેલા સાનિયા અને બોપન્નાની જોડી માત્ર એક સેટથી હારી હતી. ફાઇનલ પહેલાણઆ મુકાબલામાં આ જોડી લયમાં નહતી દેખાઈ. જોકે પહેલા સેટમાં બંને જોડી વચ્ચે જોરદાર જંગ જામ્યો હતો પણ અંતે બ્રાઝિલની લુઈસા સ્ટેફની અને રાફેલ માટોસે 7-6ના માર્જીનથી સેટ જીતી લીધો હતો. જો કે લોકોને એવી આશા હતી કે સાનિયા અને રોહન બોપન્ના બીજા સેટમાં વાપસી કરશે પણ એવું ન થયું.
સાનિયાએ શું કહ્યું?
મેચ પછી સાનિયા મિર્ઝાએ કહ્યું હતું કે, "મારે વધુ બે ટૂર્નામેન્ટ રમવાની છે. મારી કરિયરની શરૂઆત મેલબોર્નમાં જ થઈ હતી અને 2005માં હું ત્રીજા રાઉન્ડમાં સેરેના વિલિયમ્સ સામે રમી હતી. તે સમયે મારી ઉંમર 18 વર્ષની હતી અને હું નસીબદાર રહી છું કે અહીં વારંવાર આવવા મળ્યું છે અને સાથે સાથે ઘણી ટૂર્નામેન્ટ પણ જીતી છું. સાથે જ ઘણા ફાઇનલ પણ મેં અંહિયા રમ્યા છે. રોડ લેવર મારા જીવનમાં ખાસ રહ્યું છે. હું મારી કારકિર્દીનો અંત ગ્રાન્ડ સ્લેમમાં સમાપ્ત કરવા માટે આનાથી વધુ સારા એરેના વિશે વિચારી પણ નથી શકતી. મને અહીં ઘરની અનુભૂતિ કરાવવા બદલ આભાર."
કેવું રહ્યું સાનિયાનું કરિયર
સાનિયાએ પોતાની કારકિર્દીમાં 43 WTA ટાઈટલ જીત્યા હતા અને તેને ત્રણ મહિલા ડબલ્સ ગ્રાન્ડ સ્લેમ ટાઇટલ અને ત્રણ મિક્સ ડબલ્સ ટાઇટલ જીત્યા છે. 2016માં તે ઓસ્ટ્રેલિયન ઓપનમાં મહિલા ડબલ્સ ચેમ્પિયન પણ બની હતી. મિક્સ ડબલ્સમાં તેને 2009માં ઓસ્ટ્રેલિયન ઓપન ટાઈટલ જીત્યું હતું. આ સાથે જ સાનિયા લાંબા સમય સુધી વિમેન્સ ડબલ્સ રેન્કિંગમાં નંબર વનનું સ્થાન ધરાવે છે.