અમદાવાદઃ 260 કરોડના આર્ચર કેર કૌભાંડ બાદ હવે ડ્રીમ પેસેફીક કપંનીએ હજારો રોકાણકારોના કરોડો રૂપિયા ડુબાડ્યા. નવરંગપુરા પોલીસે આ કપંનીના વધુ બે આરોપીની ધરપકડ કરી. અત્યાર સુધીમા પોલીસે 4 આરોપીને ઝડપી લીધા છે. આ ઠગ કપંનીએ પણ વિનય શાહની મોડસ ઓપરેન્ડીથી જ લોકોને લાલચ આપીને ઠગાઈ કરી.
પોલીસે નીતીન અણધણ અને અમીત ઠક્કર આરોપીઓની ધરપકડ કરી છે. ડ્રીમ પેસેફીક કપંનીના આ બન્ને એજન્ટોએ હજારો રોકાણકારોને લાલચ આપીને કપંનીમા રોકાણ કરાવીને કરોડોનુ ચુનો લગાવ્યો હોવાનુ ખુલ્યુ. ડ્રીમ પેસેફીકના ડાયરેકટર મુકેશ કટારાએ પણ કૌભાંડ વિનય શાહની મોડસ ઓપરેન્ડીથી રોકાણકારોને લાલચ આપીને કૌભાંડ આચર્યુ હતું.
આ એજન્ટોએ હજારો લોકોને કપંનીમા આઈડી ખોલાવીને કરોડોનુ કૌભાંડ આચર્યુ હતું. કપંનીના આઈડી પર વીડિયો જોઈને રૂપિયા કમાવવાની લાલચ આપી હતી. વિનય શાહનુ કૌભાંડ સામે આવ્યા બાદ લેટરકાંડમા મુકેશ કટારાનુ પણ નામ ખુલતા મુકેશ કટારા ભુગર્ભમા જતો રહયો હતો. અંતે ક્રાઈમ બ્રાંચે જય માંડી એક કા ડબલ કૌભાંડમા તેની ધરપકડ કરતા ડ્રીમ પેસેફીક કપંનીના કૌભાંડનો પણ પ્રર્દાફાશ થયો હતો.
નવંરગપુરા પોલીસે કપંનીના ડાયરેકટ મુકેશ કટારા બાદ બે એજન્ટ નિતીન અને અમીત ઠક્કરની ધરપકડ કરી છે. 2017મા શરૂ કરેલી આ કપંની પહેલા પેસેફીક નામથી હતી. પછી ડ્રીમ પેસેફીક નામ બદલ્યુ હતું. આરોપીઓ નામની સાથે જગ્યા પણ બદલતા હોવાનુ તપાસમા ખુલ્યુ છે. આ કપંનીમા અનેક એજન્ટ સક્રિય છે. આ એજન્ટોએ 15 હજારથી 25 હજારની જુદી જુદી સ્કીમો દ્વારા લોકોને લાલચ આપી હતી. આ કપંનીનો ડાયરેક્ટર મુકેશ કટારા અગાઉ પણ કૌભાંડમા ઝડપાયો હતો. રેઈન મુદ્દાના નામે અગાઉ પણ મુકેશ કટારાની ધરપકડ થઈ હતી. ત્યારે ફરી એક વખત મુકેશ કટારાએ રોકાણકારોને લાલચ આપીને કરોડોની છેતરપિંડી આચરી હોવાનુ તપાસમાં ખુલ્યુ.
આર્ચર કેર કપંનીના વિનય શાહ અને ડ્રીમ પેસેફીક કપંનીના મુકેશ કટારાએ ગુજરાતના હજારો રોકાણકારોના કરોડો રૂપિયા ચાઉ કરી લીધા છે. પરંતુ પોલીસ રોકાણકારોને પોતાની રકમ પરત આપવામા સફળ રહી નથી. ત્યારે સવાલ એ થાય છે કે શું આ ઠગ ટોળકીનો શિકાર બનેલા લોકોને તેમની જીવનની કમાણી પરત મળશે?