DRDOએ બ્રહ્મોસ સુપરસોનિક ક્રૂઝ મિસાઈલનુ સફળ પરીક્ષણ કર્યું છે. ઓડિશાના ચાંદીપુર રેન્જમાં બ્રહ્મોસનું સફળ પરીક્ષણ કરવામાં આવ્યું. આ એક એવી ક્રૂઝ મિસાઈલ છે કે જે જમીન, જળ અને હવામાં પણ છોડી શકાય છે. બ્રહ્મોસની મારક ક્ષમતા પણ અચૂક છે.
વર્તમાન સમયમાં ચીન અને પાકિસ્તાન પાસે પણ આવી મિસાઈલ નથી કે જેનાથી જમીન, સમુદ્ર અને આકાશમાં એમ ત્રણેય જગ્યાએ તેનો ઉપયોગ કરી શકાય. વર્તમાનમાં ભારત અને રશિયા આ મિસાઈલની મારક ક્ષમતાનું અંતર વધારવાની સાથે તેને હાઈપરસોનિક સ્પીડ પર ઉડાવવા પર કામ કરી રહ્યા છે.
આગામી દિવસોમાં રશિયા સુપરસોનિક ક્રૂઝ મિસાઈલ બ્રહ્મોસની રેન્જને 290 કિલોમીટરથી વધારીને 600 કિલોમીટર કરવાની દિશામાં કામ કરી રહ્યા છે. આ મિસાઈલથી કોઈ પણ ટારગેટને સરળતાથી તબાહ કરી શકાશે.
Defence Research and Development Organisation (DRDO) successfully test fires land attack version of BrahMos supersonic cruise missile off the coast of Odisha.
બ્રહ્મોસ ઓછા અંતરની રેમજેટ એન્જીન યુક્ત , સુપરસોનિક ક્રૂઝ મિસાઇલ છે. એને સબમરીનથી, પાણીના જહાજથી, લડાકૂ વિમાન થી અથવા જમીનથી છોડી શકાય છે. બ્રહ્મોસ મિસાઇલને દિવસે અથવા રાતે તથા દરેક સિઝનમાં છોડી શકાય છે. આ મિસાઇલની મારક ક્ષમતા અચૂક હોય છે.
રેમજેટ એન્જીનની મદદથી મિસાઇલની ક્ષમતા ત્રણ ગણી વધારી શકાય છે. જો કોઇ મિસાઇલની ક્ષમતા 100 કિમી અંતર સુધી છે તો એને રેમજેટ એન્જીનની મદદથી 320 કિમી સુધી નક્કી કરવામાં આવી શકે છે.
બ્રહ્મોસ મિસાઇલનું નામ ભારતની બ્રહ્મપુત્ર અને રશિયાની મસ્કવા નદી પર રાખનવામાં આવ્યું છે. આ સુપરસોનિક ક્રૂઝ મિસાઇલની ગતિ ધ્વનિની ગતિથી લગભગ ત્રણ ગણી વધારે છે. એને છોડ્યા બાદ દુશ્મનને સંભાળવાની તક પણ મળતી નથી.
બ્રહ્મોસ મિસાઇલની મારક ક્ષમતા 300 કિલોમીટર છે. એના એર લૉન્ચ વર્ઝનનું પરીક્ષણ સતત ચાલી રહ્યું છે. વાયુસેનાના સુખોઇ લડાકૂ વિમાનથી એના ઘણા સફળ ટફાયર ટ્રાયલને આયોજિત કરવામાં આવ્યું છે.