કેન્દ્ર સરકારના ટોચના સંગઠન ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO)માં ભરતીની જાહેરાત કરાઈ છે.
દેશના પ્રતિષ્ઠિત સરકારી સંગઠનમાં નોકરીની તક
ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશમાં પડી ભરતી
મહિને મળશે 54,000 નો પગાર
દેશની પ્રતિષ્ઠિત સંસ્થા ડિફેન્સ રિસર્ચ એન્ડ ડેવલપમેન્ટ ઓર્ગેનાઇઝેશન (ડીઆરડીઓ)માં કામ કરવાની સારી તક છે. ડીઆરડીઓએ રિસર્ચ એસોસિએટની જગ્યાઓ માટે અરજીઓ મંગાવી છે. આ માટે માસિક 54,000 રૂપિયા પગાર ચૂકવવામાં આવશે.
પરીક્ષાની જરુર નહીં, 13 જુનથી 15 જુનની વચ્ચે જોધપુરમાં વોક ઈન ઈન્ટરવ્યુ યોજાશે
રુચિ ધરાવતા અને લાયક ઉમેદવારો આપેલ તારીખ અને સમયે વોક-ઇન-ઇન્ટરવ્યૂમાં હાજર રહી શકે છે. ઉમેદવારોએ 13 જૂનથી 15 જૂન, 2022 સુધી વોક-ઇન-ઇન્ટરવ્યૂમાં ડિફેન્સ લેબોરેટરી, રતનદા પેલેસ, જોધપુર -342 011 (રાજસ્થાન)ના સરનામાં પર હાજર રહેવાનું રહેશે. આ જગ્યાઓ માટે ખાલી જગ્યાઓની કુલ સંખ્યા 3 છે જ્યારે મહત્તમ ઉંમર 35 વર્ષ નક્કી કરવામાં આવી છે. તમને જણાવી દઈએ કે ફેલોશિપનો સમયગાળો 2 વર્ષનો રહેશે.
DRDO Recruitment: Walk-in-Interview for Research Associate posts, salary Rs 54,000 per month
રિસર્ચ એસોસિએટને દર મહિને 54,000 રૂપિયા પગાર મળશે. એચઆરએ અને મેડિકલ સુવિધાઓ પણ નિયમ મુજબ આપવામાં આવશે.
જરૂરી લાયકાત અને વયમર્યાદા
રિસર્ચ એસોસિએટની આ જગ્યાઓ માટે વોક-ઇન ઇન્ટરવ્યૂમાં માત્ર એવા જ ઉમેદવારો હાજર રહી શકે છે જેમની પાસે કેમેસ્ટ્રી, ફિઝિક્સ અથવા મટિરિયલ સાયન્સમાં પીએચડીની ડિગ્રી છે. આ સિવાય ઉમેદવારોને રિસર્ચ, ટીચિંગ અથવા ડિઝાઇન અને ડેવલપમેન્ટમાં 3 વર્ષનો અનુભવ હોવો જોઈએ.
વય મર્યાદા
ઇન્ટરવ્યૂની તારીખ પ્રમાણે ઉમેદવારોની ઉંમર 35 વર્ષ હોવી જોઇએ. સાથે જ એસસી/એસટી/પીએચ માટે મહત્તમ વયમર્યાદામાં 5 વર્ષ અને ઓબીસી ઉમેદવારો માટે 3 વર્ષ સુધીની છૂટ આપવામાં આવશે. તમને જણાવી દઇએ કે, એસ.સી./એસ.ટી. અનુસૂચિત જનજાતિ/ ઓબીસી ઉમેદવારોએ સક્ષમ ઓથોરિટી દ્વારા જારી કરાયેલ મૂળ જાતિનું પ્રમાણપત્ર રજૂ કરવાનું રહેશે.ઉમેદવારોને વય, શૈક્ષણિક લાયકાત અને અનુભવથી સંબંધિત અસલ પ્રમાણપત્ર સબમિટ કરવાની સલાહ આપવામાં આવે છે. સરકારી/જાહેર ક્ષેત્રના એકમો (પીએસયુ)/સ્વાયત્ત સંસ્થાઓમાં કામ કરતા ઉમેદવારોએ વર્તમાન નોકરીદાતા દ્વારા જારી કરાયેલ નો ઓબ્જેક્શન સર્ટિફિકેટ (એનઓસી) રજૂ કરવાનું રહેશે. વધુ માહિતી માટે વેબસાઈટ https://www.drdo.gov.in/ની મુલાકાત લેવી.