હાઈટેક / ‘સ્ટાર વોર’ની તૈયારી, ભારત બનાવશે એવા ખતરનાક હથિયાર જે માત્ર તમે હોલિવુડની ફિલ્મોમાં જોયા છે

• DRDO દ્વારા DEWs નેશનલ પ્રોગ્રામ ચલાવવાની તૈયારી 
• આવનારા દશક માટે ડીઆરડીઓ રોડમેપ  તૈયાર
•  જેનાથી આમને સામને આવ્યા વગર યુદ્ધ લડી શકાય

DRDOના આ નેશનલ પ્લાનમાં શોર્ટ,  મીડિયમ અને લોંગ ટર્મ માટે લક્ષ્ય નક્કી કરવામાં આવશે. પ્રયત્ન રહેશે કે ઘરેલુ ઈન્ડસ્ટ્રીની સાથે મળીને 100 કિલો વોટની ક્ષમતા ધરાવતા DEWs વિકસાવવામાં આવે. ડીઆરડીઓ પહેલાથી જ DEW પ્રોજેક્ટ પર કામ કરી રહ્યા છે. આમાં કેમિકલ ઓક્સિજન આયોડીન’થી લઈને હાઈ પાવર ફાઈબર લેસર પણ સામેલ છે. ડીઆરડીઓ એક પાર્ટિકલ બીમ વેપન ‘કાલી’ પર કામ કરી રહ્યું છે. જો કે આમાંથી કોઈ પણ ઓપરેશનલ હોવાની નજીક નથી.

શું હોય છે આ ડાયરેક્ટેડ એનર્સી વેપન્સ

પરંપરાગત હથિયારોમાં કોઈનેટિક - કેમિકલ એનર્જીનો ઉપયોગ થાય છે. મિસાઈલમાં તથા અન્ય પ્રક્ષેપાસ્ત્રોની મદદથી ટાર્ગેટને સાધવામાં આવે છે. ડાયરેક્ટેડ એનર્જી વેપન્સમાં ટારગેટ પર ઈલેક્ટ્રોનિક - મેગ્નેટિક એનર્જી અથવા સબએટોમિક પાર્ટિકલ્સનો મારો કરવામાં આવે છે. આ બન્નેમાં મેજર સબ સિસ્ટમ  લેસર સોર્સ અને પાર્ટિકલ બીમ કન્ટ્રોસ સિસ્ટમ  હોય છે. એક મિસાઈલને ઉડાડવા માટે લેસર વેપનને 500 કિલોવોટના બીમની જરુરિયાત હોય છે.

આવનારા દશક માટે ડીઆરડીઓ રોડમેપ કહે છે કે ફેઝ 1માં સેના અને વાયુસેનામાં ઓછામાં ઓછા 20 ટેક્ટિકલ હાઈ એનર્જી લેસર સિસ્ટમ્સની જરુર રહેશે. આ ચરણમાં ડેવલપ હથિયારોની રેન્જ 6થી 8 કિલોમીટર હશે. ફેઝ 2માં એવા લેસર સિસ્ટમ તૈયાર કરવામાં આવશે જેમની રેન્જ 20 કિલોમીટરથી વધારે છે. સેનાને 20 હાઈ પાવર ઈલેક્ટ્રોમેગ્નેટિક વેપન સિસ્ટમની જરુર છે જેના ફેઝ 1માં રેન્જ 6થી 8 કિલોમીટર તથા ફેઝ 2માં રેન્જ 15 કિલોમીટરથી વધારે હશે.

જોકે સ્વદેશી DEW  સિસ્ટમ અત્યારે બાકીના દેશની સરખામણીએ શરુઆતના સ્તરમાં જ છે. અમેરિકા, રશિયા, ચીન ,જર્મની અને ઈઝરાઈલની પાસે ઘણા શક્તિશાળી DEWs છે. તેઓ તેને ઉપયોગમાં પણ લે છે.