ભારતે આજે ઓડિશામાં બાલાસોર ફાયરિંગ રેન્જમાં સંરક્ષણ સંશોધન અને વિકાસ સંગઠન (DRDO) દ્વારા વિકસિત દેશી હાવિત્ઝર એટીએજીએસ (એડવાન્સ્ડ આર્ટિલરી સિસ્ટમ) નું પરીક્ષણ કર્યું છે. DRDOના એટીએજીએસ પ્રોજેક્ટ ડિરેક્ટર શૈલેન્દ્ર ગાડે કહ્યું કે, તે વિશ્વની શ્રેષ્ઠ તોપ છે. હજી સુધી કોઈ અન્ય દેશ આવી તોપ વિકસાવી શક્યો નથી.
ઓડિશામાં બાલાસોરમાં હાવિત્ઝરનું સફળ પરીક્ષણ
વિશ્વના અન્ય કોઇ દેશ પાસે નથી આટલી શ્રેષ્ઠ તોપ
જુઓ સફળ પરીક્ષણનો વીડિયો
તેમણે વધુમાં કહ્યું હતું કે, આ તોપ ત્રણ વર્ષમાં ડિઝાઇન કરવામાં આવી હતી અને તેને પરીક્ષણમાં મૂકવામાં આવી હતી. ટૂંક સમયમાં, તે પીએસક્યુઆર પરીક્ષણોને આધિન કરવામાં આવશે. અમે આશા રાખીએ છીએ કે આર્ટિલરી સિસ્ટમ ક્ષેત્રે ભારતની સૌથી મોટી ઉપલબ્ધિ હશે. નોંધપાત્ર વાત એ છે કે સરકાર સ્વદેશી ટેક્નોલોજી દ્વારા શસ્ત્રો બનાવવા પર ભાર આપી રહી છે, જેથી સંરક્ષણ ક્ષેત્રે પણ દેશને આત્મનિર્ભર બનાવી શકાય.
સીડીએસ રાવતે કહ્યું - ભાવિ યુદ્ધ સ્વદેશી હથિયારોથી જીતી શકાશે
ઉલ્લેખનીય છે કે, ચીન અને પાકિસ્તાનની સરહદ પર તણાવ વચ્ચે, ચીફ ઓફ ડિફેન્સ સ્ટાફ (સીડીએસ) જનરલ બિપિન રાવતે શુક્રવારે એક નિવેદનમાં કહ્યું હતું કે ભારત સ્વદેશી શસ્ત્રોથી ભાવિ યુદ્ધ લડશે અને દુશ્મનોને પરાજિત કરશે.
ડીઆરડીઓનાં સંરક્ષણ સંશોધન અને વિકાસ સંગઠનના એક કાર્યક્રમને સંબોધન કરતાં સીડીએસ રાવતે કહ્યું કે, અમે જોઈ રહ્યા છીએ કે અમારું ખાનગી ઉદ્યોગ પણ સંરક્ષણ ક્ષેત્રે પ્રેરિત છે, તેમને સમર્થનની જરૂર છે. મને લાગે છે કે આપણે દેશી શસ્ત્રો દ્વારા ભાવિ યુદ્ધ જીતીશું.
સીડીએસ બિપિન રાવતે કહ્યું કે, હાલમાં આપણો દેશ ઉત્તર અને પશ્ચિમ સરહદો પર અનેક પડકારોનો સામનો કરી રહ્યો છે. દેશ જે ગતિથી આત્મનિર્ભરતા તરફ આગળ વધી રહ્યો છે. ડીઆરડીઓ ખંતપૂર્વક કાર્ય કરવાનું ચાલુ રાખે તે ખૂબ જ મહત્વપૂર્ણ છે.