મોદી સરકારના બીજા કાર્યકાળની શરૂઆતમાં નવી શિક્ષણ નીતિ પર વિવાદ થયો છે. શિક્ષણ નીતિના ડ્રાફ્ટમાં દક્ષિણના રાજ્યોમાં ત્રણ ભાષાની ફોર્મ્યુલા લાગૂ કરવામાં હિન્દી ભાષાને અનિવાર્ય કરવા પર બબાલ થઇ છે. હવે સરકાર તરફથી તેમાં ફેરફાર કરાયા છે. સરકાર તરફથી ડ્રાફ્ટ શિક્ષણ નીતિમાં ફેરફાર કરાયો છે.અને સુધારામાં હિન્દી ફરજીયાત હોવાની શરત હટાવી લેવાઈ છે.
ઉલ્લેખનીય છે કે, ભારત સરકારે પોતાની શિક્ષણ નીતિના ડ્રાફ્ટમાં ફેરફાર કર્યો હતો. પહેલાં ત્રણ ભાષા ફોર્મ્યુલામાં પોતાની મૂળ ભાષા, સ્કૂલની ભાષા સિવાય ત્રીજી ભાષા તરીકે હિન્દીને ફરજીયાત કરવાની વાત કરાઈ હતી. પરંતુ સોમવારે વિવાદ બાદ નવો ડ્રાફ્ટ આવ્યો છે, તેમાં જરૂરિયાત હોય તો શબ્દનો ઉપયોગ કરાયો છે.
એટલે કે હવે સ્કૂલ ભાષા અને માતૃભાષા સિવાય જે ત્રીજી ભાષા પસંદ થશે, તે સ્ટુડન્ટ પોતાની મરજી પ્રમાણે અનુસરશે. એટલે કે, કોઇપણ ત્રીજી ભાષા કોઇના પર થોપી શકાય નહીં. તેમાં વિદ્યાર્થી પોતાના સ્કૂલ, ટીચરની સહાયતા લઇ શકે છે. એટલે કે સ્કૂલ તરફથી જે ભાષામાં સરળતાથી મદદ કરી શકાય છે વિદ્યાર્થી એ ભાષા પર આગળ વધી શકે છે.
The National Education Policy as submitted to the Minister HRD is only a draft report. Feedback shall be obtained from general public. State Governments will be consulted. Only after this the draft report will be finalised. GoI respects all languages. No language will be imposed
જો કે, શિક્ષણ નીતિથી પહેલાં આવેલા કસ્તૂરીરંગન સમિતિએ પોતાના રિપોર્ટમાં સરકારને અપીલ કરી છે કે, રાજ્યોને હિન્દીભાષી, બિનહિન્દીભાષી તરીકે દેખાડવા જોઇએ. અપીલ કરી છે કે, બિન હિન્દીભાષા રાજ્યોમાં ક્ષેત્રીય અને અંગ્રેજી ભાષા સિવાય ત્રીજી ભાષા હિન્દી લાવામાં આવે અને તેને ફરજીયાત કરી દેવામાં આવે. ભાષાના આ વિવાદે સંપૂર્ણપણે રાજકીયરૂપ લઇ લીધું છે.
દક્ષિણ ભારતની રાજકીય પાર્ટીઓએ કેન્દ્ર સરકાર પર હિન્દી થોપવાનો આરોપ મૂકયો છે, તો બીજીબાજુ સરકાર સ્પષ્ટતા આપી છે કે અત્યારે તો આ માત્ર ડ્રાફ્ટ છે, ફાઇનલ નીતિ નથી. સરકાર તરફથી આશ્વાસન આપ્યું છે.
કોઇના પર પણ ભાષા થોપાશે નહીં, દરેક લોકો સાથે વાત કરીને જ કોઇ પણ નિર્ણય લેવાશે.આ બબાલ માત્ર રાજકીય નથી, તેના પર હવે સોશિયલ મીડિયા પર પણ કેમ્પેઇન ચલાવાનું શરૂ થઇ ગયું છે.