નિયમ / ઓનલાઈન શોપિંગ કરનારાઓ માટે મોટા સમાચાર, હવે સરકાર નિયમોમાં કરવા જઈ રહી છે આ ફેરફાર

• ઓનલાઈન શોપિંગ કરનારાઓ માટે કામના સમાચાર
• ઈ-કોમર્સ કંપનીઓ માટે સરકાર નવા નિયમો લાવવા જઈ રહી છે
• આ સેક્ટર પર નજર રાખવા માટે એક રેગ્યુલેટર બનાવવામાં આવશે

સરકાર તેને અંતિમ રૂપ આપી રહી છે. તેને ટૂંક સમયમાં જાહેર કરવામાં આવશે. એક અખબારમાં પ્રકાશિત સમાચાર મુજબ, ઈ-કોમર્સ પોલિસીના ડ્રાફ્ટમાં સ્પષ્ટપણે કહેવામાં આવ્યું છે કે, જો સરકાર ઈ-કોમર્સ કંપનીઓને કોઈ વિગતો આપવાનું કહેશે તો 72 કલાકમાં કંપનીઓએ તેને ઉપલબ્ધ કરાવવી પડશે. જો કંપનીઓ આવું નહીં કરે તો પેનલ્ટી ચૂકવવી પડશે. 

આ છે નિયમો

• અત્યારે સરકારનું ધ્યાન ઇ-કોમર્સને પ્રોત્સાહન આપવા પર છે. જેથી વિદેશમાં ગ્રાહકોનો ડેટા સ્ટોર કરનારી કંપનીઓએ સમયાંતરે ઓડિટ કરવું પડશે.
• ડેટા લોકલાઈઝેશનથી દૂરી બનાવવાની કોશિશ કરવામાં આવી છે. જોકે, આ વર્ષનું ડ્રાફ્ટ અલગ છે. ગયા વર્ષે વિદેશમાં યુઝરનો ડેટા સ્ટોર કરવા પર કડક નિયંત્રણની માંગ કરવામાં આવી હતી. 
• નવી ડ્રાફ્ટ પોલિસીમાં સેક્ટર માટે એક રેગ્યુલેટરનો પ્રસ્તાવ રાખવામાં આવ્યો છે. સાથે જ ઈ-કોમર્સ માટે કાયદો બનાવવાનું કહેવામાં આવ્યું છે. આ કાયદા હેઠળ માહિતી સંગ્રહ, તેનો ઉપયોગ, ટ્રાન્સફર, પ્રોસેસ અને વિશ્લેષણને લઈને કંપનીઓ પર નિયંત્રણ રાખવામાં આવશે. 
• આ કાયદો સરકારને દેશની સુરક્ષાને ખતરામાં નાખનારી ઈ-કોમર્સ કંપનીઓની પ્રવૃત્તિઓ સામે સમીક્ષા, તપાસ અને કાર્યવાહી કરવાનો પણ અધિકાર આપશે. 
• નવી ડ્રાફ્ટ ઈ-કોમર્સ પોલિસીને ઉદ્યોગ અને આંતરિક વેપાર વિભાગ અંતિમ સ્વરૂપ આપી રહ્યું છે. તમામ પક્ષોથી સલાહ લીધા બાદ તેને જાહેર કરવામાં આવશે. 
• નવી ડ્રાફ્ટ ઈ-કોમર્સ પોલિસી એવા વિક્રેતાઓને ઓનલાઈન લાવશે, જેઓ હાલ ઓફલાઈન છે. આના માટે તેમને કોમ્પ્યુટરાઈઝેશન અને ડિજિટલ પેમેન્ટની વ્યવસ્થા અપનાવવામાં મદદ કરવામાં આવશે.