મહામારી / વેક્સિન લીધા બાદ કોરોના થાય કે નહીં ? સંક્રમિત થયેલા દેશના ટોચના ડોક્ટરે કહી ચોંકાવનારી વાત

• એપોલો હોસ્પિટલના એમડી સંગીતા રેડ્ડી કોરોના પોઝિટીવ
• વેક્સિન કોરોનાને અટકાવી નહીં શકે-ડોક્ટર સંગીતા રેડ્ડી
• વેક્સિન કોરોનાના લક્ષણોને હળવા બનાવી શકે

તેમણે ટ્વિટર પર લખ્યું કે હું કોરોનાથી સંક્રમિત થઈ છું અને થોડા દિવસની સારવાર બાદ ઘેર પાછી જઈ રહું છું. સંગીતાએ જણાવ્યું કે કોરોનાથી 500 દિવસ સુધી બચીને રહ્યાં બાદ 10 જુને મારો કોરોનાનો ટેસ્ટ પોઝિટીવ આવ્યો હતો.

After 500 days of dodging #COVID19 I tested +VE on June10th My initial reaction was of shock & dismay - Why me? I was careful & #vaccinated
Hospitalized with high fever I took the cocktail #Regeneron therapy within the early window period & it has made a dramatic difference (1/2) pic.twitter.com/Qybrl61CUQ

— Dr. Sangita Reddy (@drsangitareddy) June 14, 2021

શરુઆતમાં તો હું હેરાન અને હતાશ બની હતી. મને ખબર પડતી નહોતી કે મને શું થયું છે. હું તો સાવધાન હતી અને વેક્સિન પણ લગાડી હતી. ભારે તાવ હોવાને કારણે મને હોસ્પિટલમાં ભરતી કરવામાં આવી હતી. શરુઆતમાં મને કોકટેલ રિજનરેશન થેરપી આપવામાં આવી જેને કારણે મારી તબિયતમાં ઘણો સુધારો થયો હતો. 

સમયસર બીમારીની ઓળખ અને સારવારની જરુર

તેમણે વેક્સિનની ભૂમિકા તથા સમયસર બીમારીની ઓળખ અને સારવારની જરુર પર ભાર મૂકતા જણાવ્યું કે બીજી જરુરી વાત યાદ રાખવી જોઈએ કે વેક્સિન કોરોનાને અટકાવતી નથી પરંતુ લક્ષણોને હળવા બનાવી રાખે છે.