આણંદ / ડૉ. આર.એસ. સોઢી બન્યા ઇન્ડિયન ડેરી એસોસિએશનના પ્રમુખ, ભારતમાં ડેરી ઉદ્યોગની છે સર્વોચ્ચ સંસ્થા

• ડૉ. આર. એસ. સોઢી IDA ના પ્રમુખ તરીકે ચૂંટાયા
• ઇન્ડિયન ડેરી એસોસિએશનમાં બન્યા પ્રમુખ
• ભારતમાં ડેરી ઉદ્યોગની સર્વોચ્ચ સંસ્થા છે IDA

ભારતમાં ડેરી ઉદ્યોગની સર્વોચ્ચ સંસ્થા  IDAના  પ્રમુખ તરીકે ડૉ. આર. એસ.  સોઢી ચૂંટાઈ આવ્યા છે. ઇન્ડિયન ડેરી એસોસિએશન (IDA)માં પ્રમુખ પદે ડૉ. આર. એસ.  સોઢીનો ભવ્ય વિજય થતા ઠેર-ઠેરથી શુભેચ્છાવર્ષા થઇ રહી છે. મહત્વનું છે કે, ડૉ. સોઢીને અમૂલ સાથે ડેરી ઉદ્યોગનો 40 વર્ષનો બહોળો અનુભવ છે. જેથી તેમના કુશળ માર્ગદર્શનનો આગામી સમયમાં ડેરી ઉધોગને લાભ મળશે. છેલ્લા 12 વર્ષથી ડો.સોઢી અમૂલનું નેતૃત્વ કરી રહ્યા છે. જે ગત વર્ષે ડો. સોઢી ઈન્ટરનેશનલ ડેરી ફેડરેશનના બોર્ડમાં ચૂંટાયા હતા.

IDAનું પ્રતિનિધિત્વ કરવું એ મારા માટે સન્માનની વાત :  ડો.સોઢી
આ અવસરે ડો. સોઢીએ જણાવ્યું હતું કે IDAનું પ્રતિનિધિત્વ કરવું એ મારા માટે સન્માનની વાત છે. કારણ કે મારા માર્ગદર્શક ડૉ. વી કુરિયન વર્ષ 1964માં આ જ પદ પર હતાં અને 58 વર્ષ પછી હવે મને આ સંસ્થાઓનું નેતૃત્વ કરવાની તક મળી છે. તેમણે વધુમાં જણાવ્યું હતું કે જ્યાં સુધી ડેરી ઉદ્યોગને સંબંધ છે ત્યાં સુધી ભારતીય ડેરી ઉદ્યોગ  આત્મનિર્ભર છે અને તે વિશ્વ માટે ડેરી બનવાની ક્ષમતા ધરાવે છે. ઇન્ડિયન ડેરી એસોસિએશનની સ્થાપના વર્ષ 1948માં કરવામાં આવી હતી. જે ભારતમાં ડેરી ઉદ્યોગની સર્વોચ્ચ સંસ્થા છે. જેના સભ્યો ડેરી કો-ઓપરેટિવ, MNC,કોર્પોરેટ સંસ્થાઓ, ખાનગી સંસ્થાઓ,શૈક્ષણિક સંસ્થાઓ,સરકારી અને જાહેર ક્ષેત્રના એકમો છે.

ગત વર્ષે ડો. સોઢી ઈન્ટરનેશનલ ડેરી ફેડરેશનના બોર્ડમાં ચૂંટાયા હતા
ઉલ્લેખનીય છે કે, ગત વર્ષે જ  ડો. સોઢી અમૂલ ડેરી ફેડરેશનના મેનેજિંગ ડિરેક્ટર ઈન્ટરનેશનલ ડેરી ફેડરેશનના બોર્ડ પર ચૂંટાયા હતાં. ત્યારબાદ આજે ડૉ આર. એસ. સોઢી, મેનેજિંગ ડિરેક્ટર, ગુજરાત કોઓપરેટિવ મિલ્ક માર્કેટિંગ ફેડરેશન લિમિટેડ (GCMMF)આજે ભારતીય ડેરી એસોસિએશનના પ્રમુખ તરીકે ચૂંટાયા છે. જેમનો અમૂલ સાથેનો જૂનો નાતો રહ્યો છે.