વિશ્વભરમાં કોવિડ 19ની સારવારમાં રેમડેસિવીરને સૌથી અસરકારક દવા માનવામાં આવે છે. આ દવા અમેરિકન ફાર્માસ્યુટિકલ કંપની ગિલિડ સાયન્સિસ દ્વારા બનાવવામાં આવી છે. કંપની આ દવા ભારત સહિત 127 દેશોમાં પણ સપ્લાય કરે છે. હવે એક ભારતીય કંપની પણ આ દવા બનાવશે. આ માટે, ગિલિડ સાયન્સિસે ભારતની હૈદરાબાદ સ્થિત ફાર્માસ્યુટિકલ કંપની ડો. રેડ્ડીઝ લેબોરેટરી સાથે કરાર કર્યો છે.
ઉત્પાદન માટે ટેક્નોલોજી ટ્રાન્સફર કરશે ગિલિડ સાયન્સિસ
અમેરિકન અને ભારતીય કંપનીઓ વચ્ચે થયેલ નોન-એક્ઝિક્યુટિવ કરાર મુજબ, ગિલિડ સાયન્સિસે ડોક્ટર રેડ્ડીને રેમડેસિવીરના રજીસ્ટ્રેશન અને ઉત્પાદનના રાઇટ્સ આપ્યા છે. ભારતીય ફાર્માસ્યુટિકલ ઉત્પાદકે જણાવ્યું હતું કે ગિલિયડ સાયન્સિસ દવાના ઉત્પાદન માટે ડો રેડ્ડીઝને ટેકનોલોજી ટ્રાન્સફર પણ કરશે. ડો રેડ્ડીઝને આ દવાનું ઉત્પાદન કરવા અને અલગ અલગ દેશોમાં આ ડ્રગનું માર્કેટિંગ કરવા માટે રેગ્યુલેટરી એપ્રુવલની જરૂર પડશે.
ભારતીય બજારોમાં આ મહિને દવા ઉપલબ્ધ નહીં થાય
કોવિડ 19ની સારવાર માટે અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) તરફથી રેમડેસિવીરને પહેલાથી મંજૂરી મળી ગઈ છે. હાલમાં, રેમડેસિવીરને સૌથી અસરકારક કોરોના દવા માનવામાં આવે છે. વર્લ્ડ હેલ્થ ઓર્ગેનાઇઝેશન (WHO)એ ઇબોલાની સારવાર માટે ઉપયોગમાં લેવાતી રેમડેસિવીર પર મહોર લગાવી છે. WHOની સોલિડેરિટી ટ્રાયલમાં રેમડેસિવીર શામેલ છે. જો કે ભારતમાં રેમડેસિવીરના ઉત્પાદનની મંજૂરી આપવાની પ્રક્રિયાને ઝડપી બનાવ્યા પછી પણ આ એન્ટિવાયરલ દવા આ મહિનામાં ભારતીય બજારમાં ઉપલબ્ધ થશે નહીં.
ટેસ્ટના રિપોર્ટ સામે આવ્યા પછી જ મળશે મંજૂરી
આરોગ્ય મંત્રાલયના સૂત્રોના જણાવ્યા અનુસાર હેટેરો લેબ્સ લિમિટેડ જૂનના અંતિમ સપ્તાહમાં તેના ટેસ્ટ રિપોર્ટ્સના પરિણામો અને સ્ટેબિલિટી ડેટા સબમિટ કરશે. હેટોરો લેબ્સ એ ચાર કંપનીઓમાંની એક છે જેણે ભારતમાં રેમડેસિવીરના જેનેરિક વર્ઝનના ઉત્પાદન અને સપ્લાય માટેના લાઇસન્સ કરાર પર હસ્તાક્ષર કર્યા છે. ટેસ્ટ રિપોર્ટ્સના પરિણામો અને સ્ટેબિલિટી ડેટાના આધારે, ભારતીય ઉત્પાદકોને જે રીતે ગિલિડ સાયન્સિસને અમેરિકામાં આપવામાં આવી છે તે રીતે રેગ્યુલેટેડ ઇમર્જન્સી યુઝ માટે પરવાનગી આપવામાં આવશે.