કોવેક્સીન અને કોવિશીલ્ડ બાદ હવે આવતા અઠવાડિયાથી બજારમાં રશિયાની સ્પૂતનિક-વી પણ ઉપલબ્ધ રહેશે. આ વેક્સીનના એક ડોઝની કિંમત 995 રૂપિયા રહેશે.
ડો. રેડ્ડી લેબ ભારતમાં બનાવશે સ્પૂતનિક-વી વેક્સીન
વેક્સીનના એક ડોઝની કિંમત 995 રૂપિયા રહેશે
આવતા અઠવાડિયાથી બજારમાં રશિયાની સ્પૂતનિક-વી ઉપલબ્ધ રહેશે
દેશમાં ભારત બાયોટેકની કોવેક્સીન અને ઓક્સફોર્ડ-એસ્ટ્રાજેનેકની કોવિશીલ્ડ ઉપરાંત હવે રશિયાની સ્પૂતનિક વી વેક્સીન પણ લગાવવામાં આવશે. આવતા અઠવાડિયે આ રસી બજારમાં ઉપલબ્ધ થઈ જશે. જોકે આ વેક્સીન પહેલાની બે વેક્સીન કરતા મોંઘી હશે. સ્પૂતનિક-વીના એક ડોઝની કિંમત 995.40 રૂપિયા હશે.
ડો. રેડ્ડી લેબની આયાત
એવું જણાવવામાં આવી રહ્યું છે કે સ્પૂતનિક વીનું ઉત્પાદન ભારતમાં થશે. માટે તેની આટલી કિંમત રાખવામાં આવી રહી છે. ભારતમાં કંપનીની આયાત કરનાર કંપની ડો. રેડ્ડી લેબે તેની જાણકારી આપી. કંપનીએ જણાવ્યું કે ગુરૂવારે આ રસીને સેન્ટ્રલ ડ્રગ્સ લેબોરેટરીઝે મંજૂરી આપી છે.
સ્પૂતનિક-વી વેક્સીનના 1.5 લાખ ડોઝ ઉપલબ્ધ
જણાવી દઈએ કે હવે સ્પૂતનિક-વી વેક્સીનના 1.5 લાખ ડોઝ ઉપલબ્ધ છે. ત્યાં જ અત્યાર સુધી દેશમાં કોવેક્સીન અને કોવિશીલ્ડ દ્વારા જ વેક્સિનેશન ચાલી રહ્યું છે. કેન્દ્ર સરકાર આ બન્ને વેક્સીનને 250 રૂપિયાની કિંમતમાં ખરીદે છે પરંતુ આ બન્ને વેક્સીનના ઉત્પાદકોએ માર્કેટમાં અને ખાનગી હોસ્પિટલોમાં અલગ-અલગ કિંમતો નક્કી કરી છે.
આજે હૈદરાબાદમાં એક વ્યક્તિને આપવામાં આવી સ્પૂતનિક-વી
આ વર્ષે ફેબ્રુઆરીમાં આ વેક્સીનના ટ્રાયલ પરિણામોને ધ લાંસેટમાં છાપવામાં આવ્યા હતા. જ્યાર બાદ તેને સુરક્ષિત અને પ્રભાવશાળી બતાવવામાં આવી. હૈદરાબાદમાં આજે સ્પૂતનિક-વી રસીનો પહેલો ડોઝ એક વ્યક્તિને આપવામાં આવ્યો. ડો. રેડ્ડી લેબે આપેલી જાણકારી અનુસાર સ્પૂતનિક-વી વેક્સીન 1 મેના રોજ ભારત પહોંચી હતી.