Coronavirus / 56 વર્ષ પહેલા આ મહિલા વૈજ્ઞાનિકે કોરોના વાયરસની શોધ કરી, નિધનના 13 વર્ષ પછી રિસર્ચ બન્યું ઉપયોગી

• ડૉ. જૂન અલ્મીડાએ કોરોના વાયરસ શોધ્યો હતો
• ગરીબ પરિવારમાંથી આવતા આ મહિલા પોતાની મહેનતે અભ્યાસ કર્યો
• નાની ઉંમરમાં નોકરી કરી, HIVની પહેલી તસવીર પણ તેમણે જ કાઢી

વર્ષ 1964માં એટલે કે 56 વર્ષ પહેલા એક મહિલા વૈજ્ઞાનિકે પોતાના ઈલેક્ટ્રોનિક માઈસ્ક્રોસ્કોપમાં જોઈ રહી હતી. ત્યારે તેમણે એક વાયરસ જોયો. જે આકારમાં ગોળ હતો અને તેને ચારો તરફ કાંટા નીકળેલા હતા સૂર્ય જેવો દેખાતો હતો. આ બાદ તેનું નામ કોરોના વાયરસ રાખવામાં આવ્યુ. આને શોધનાર મહિલા ડો. જૂન અલ્મીડા હતા. 

સાધારણ પરિવારમાં જન્મેલી 16 વર્ષની ઉંમરે સ્કુલ છોડી

ડૉ. જૂન અલ્મીડાએ જે સમયે કોરોના વાયરસની શોધ કરી હતી ત્યારે તેમની ઉંમર 34 વર્ષ હતી. 1930માં સ્કોટલેન્ડડના ગ્લાસગો શહેરના ઉત્તર-પૂર્વમાં સ્થિત એક વિસ્તારમાં રહેનારી અલ્મીડા  બહુ સાધારણ પરિવારમાં જન્મી હતી. અલ્મીડાના પિતા બસ ડ્રાઈવર હતા. આર્થિક સ્થિતિ સારી ન હોવાથી તેમણે 16 વર્ષની ઉંમરે અભ્યાસ છોડી દીધો હતો.

નાની ઉંમરમાં તે લેબ ટેક્નિશિયન બની

16 વર્ષની ઉંમરમાં તેમને ગ્લાસગો રોયલ ઈન્ફર્મરીમાં લેબ ટેક્નિશીયનની નૌકરી મળી ગઈ હતી. ધીરે ધીરે કામમાં મન લાગતા આને જ કરિયર બનાવ્યું. થોડાક મહિના બાદ પૈસા કમાવા તેઓ લંડન આવ્યા અને સેન્ટ બાર્થોલોમિયૂઝ હોસ્પિટલમાં લેબટેક્નિશનિયન તરીકે કામ કર્યુ.

વર્ષ 194માં તેમણે વેનેજુએલાના કલાકાર એનરીક અલ્મીડા સાથે લગ્ન કર્યા. એ બાદ તેઓ કેનેડા જતા રહ્યા. ટોરેન્ટો શહેરના ઓન્ટારિયો કેન્સર ઈન્ટીટ્યૂટમાં જૂન અલમીડાએ લેબ ટેક્નીશિયનથી ઉપનું પદ મળ્યું. તેમને ઈલેક્ટ્રોન માઈક્રોસ્કોપી ટેક્નીશિયન બનાવાયા. 1964માં લંડનના સેન્ટ થોમર્સ મેડિકલ સ્કૂલે તેને નોકરી ઓફર કરી.

આ રીતે મળ્યો વાયરસ

 એ બાદ તેમણે ડૉ. ડેવિડ ટાયરેલ સાથે રિસર્ચ શરુ કર્યુ. તેઓ શરદી ખાંસી તાવ પર રિસર્ચ કરી રહ્યા હતા. આ માટે તેમણે બી 814 નામ ફ્લૂના દર્દીઓના સેમ્પલ ભેગા કર્યા હતા. ડો. ટોયરેલે આ સેમ્પલ અલ્મીડા પાસે મોકલ્યા. અલ્મીડાએ ઈલેક્ટ્રોનિક માઈક્રોસ્કોપથી વાયરસનો ફોટો પાડ્યો. તેમણે કહ્યું કે આવા વાયરસ મળી રહ્યા છે. પણ વૈજ્ઞાનિકોએ તેને રિજેક્ટ કરી નાંખ્યા કેમ કે તસ્વીર ધૂંધળી હતી. પણ તેણે કોરોના વાયરસ શોધ્યો અને વાયરસ પર કામ કરનાર ડો. ટોયરેલને જણાવ્યું.

1985માં તેઓ યોગા ટિચર, બીજા લગ્ન કર્યા

1985 સુધી અલ્મીડા બહું સક્રિય રહ્યા. દુનિયાભરના વૈજ્ઞાનિકોને મદદ કરતા રહ્યા. એન્ટીક્સ પર કામ કર્યુ. તેમણે બીજા લગ્ન કર્યા એક રિટાયર્ડ વાયરોલોજિસ્ટ ફિલિપ ગાર્ડનર સાથે. તેમનું નિધન 2007માં 77 વર્ષની ઉમંરે થયું હતુ. જો કે આ પહેલા તેઓ સેન્ટ થોમર્સમાં સલાહકાર વૈજ્ઞાનિક તરીકે કામ કરતા રહ્યા.   તેમણે જ એડ્સની પહેલી હાઈક્વોલિટીની ઈમેજ બનાવવામાં મદદ કરી હતી. તેમના મોતના 13 વર્ષ પછી કોરોના વાયરસને સમજવામાં તેમના જ રિસર્ચથી મદદ મળી રહી છે.