નવો અધ્યાય / વિશ્વમાં સૌપ્રથમ ભારતમાં થઈ આ શરૂઆત : આરોગ્યમંત્રીએ કહ્યું પબ્લિક હેલ્થના ઈતિહાસમાં નવો અધ્યાય

• ઈન્ટીગ્રેટેડ હેલ્થ ઈન્ફોર્મેશન પ્લેટફોર્મનો પ્રારંભ
• 33 રોગોના નિદાન માટેના ડેટા ઉપલબ્ધ કરાવશે 
• ઈન્ટીગ્રેટેડ ડિસિઝ સર્વેલસન્સ પ્રોગ્રામનું નવું સંસ્કરણ

ઈન્ટીગ્રેટેડ હેલ્થ ઈન્ફોર્મેશન પ્લેટફોર્મ હાલમાં ચાલી રહેલા ઈન્ટીગ્રેટેડ ડિસિઝ સર્વેલસન્સ પ્રોગ્રામનું નવું સંસ્કરણ છે.

હેલ્થકેર એન્ડ ટેકનોલોજીના ભવિષ્યવાદી, સાહસિક અને સુસંગત મિશ્રણ પર ઉત્સાહ વ્યક્ત કરતા ડો.હર્ષવર્ધને જણાવ્યું કે આજનો દિવસ રોગ દેખરેખના ઈતિહાસમાં એક સીમાચિહ્નરુપ અને સુવર્ણ અક્ષરોમાં લખાશે.આપણે ભારતના જાહેર આરોગ્ય સિસ્ટમમાં નવો અધ્યાય શરુ કર્યો છે. એડવાન્સન્ડ ડિસિઝ સર્વેલન્સ સિસ્ટમ સ્વીકારનાર ભારત પહેલો દેશ છે. તેમણે સોફ્ટવેર પ્લેટફોર્મ માટે સમયસરની જરુરિયાત પર પણ ભાર મૂક્યો. 

ઈન્ટીગ્રેટેડ હેલ્થ ઈન્ફોર્મેશન પ્લેટફોર્મ ડેટા એન્ટ્રી અને સર્વેલન્સ સિસ્ટમને સાચવી રાખશે. તે ઉપરાંત પહેલાના 18 ને બદલે હવે 33 રોગોના નિદાન માટેના ડેટા પણ ડિઝિટલ મોડમાં ઉપલબ્ધ કરાવશે આ રીતે કાગળ પર કામકાજની પ્રણાલી જ ખતમ થઈ જશે.

ઈન્ટીગ્રેટેડ હેલ્થ ઈન્ફોર્મેશન પ્લેટફોર્મને વિશ્વના સૌથી મોટા ઓનલાઈન ડિસિઝ સર્વેલન્સ પ્લેટફોર્મ ગણાવતા હર્ષવર્ધને કહ્યું કે આ પ્લેટફોર્મ નેશનલ ડિઝિટલ હેલ્થ મિશનને અનુરુપ છે અને ભારતમાં હાલમાં ચાલતી બીજી ડિઝીટલ માહિતી સિસ્ટમ સાથે પણ તાલ મિલાવી શકે છે. તેમણે કહ્યું કે IHIP રિયલ ટાઈમ, કેસ આધારિત જાણકારી, ઈન્ટીગ્રેટેડ એનાલિટિક્સ, એડવાંસ્ડ વિઝ્યુલાઈઝેશન કેપિબિલીટી વિકસીત આરોગ્ય માહિતી પ્રણાલી પ્રદાન કરશે. તેના માધ્યમથી મોબાઈલ અથવા બીજા ઈલેક્ટ્રોનિક ઉપકરણો પર વિશ્લેષણ રિપોર્ટ મળશે. ઓનલાઈન આયોજિત કરવામાં આવેલા આ કાર્યક્રમમાં ઘણા રાજ્યોના આરોગ્ય મંત્રીઓએ ભાગ લીધો હતો.