વિવાદ / DPS સ્કૂલ મામલે મોટા સમાચાર, આખરે રાજ્ય સરકારે આપ્યા આ આદેશ

• બેદરકારી દાખવનાર અધિકારી સામે તપાસના આદેશ
• DPS સ્કૂલને માન્યતા આપનાર અધિકારીઓ સામે તપાસ થશે
• રાજ્ય શિક્ષણ વિભાગે કર્યા તપાસના આદેશ 

શિક્ષણ નિરીક્ષકે કહ્યું કે બાળકો માટે વૈકલ્પિક વ્યવસ્થા કરવામાં આવશે

અમદાવાદની DPS સ્કૂલની માન્યતા રદ થવાને લઇ વાલીઓ ચિંતિત છે. ત્યારે વાલીઓએ અમદાવાદ DEOને DPS સ્કૂલ ચાલુ રાખવાની રજૂઆત કરી છે. 2 મહિના માટે બાળકોને ક્યાં મૂકવા તેને લઇને વાલીઓને ચિંતા છે. ત્યારે વાલીઓનું કહેવું છે કે બીજી શાળાઓ વાલીઓને પ્રવેશ નથી આપતી. જેથી બાળકો માટે વૈકલ્પિક વ્યવસ્થા કરવાની માગ કરી છે.

વાલીઓનું કહેવું છે કે બાળકોના ભવિષ્યનો સવાલ હોવાથી તંત્ર દ્વારા આ અંગે નિર્ણય લેવામાં આવે. ત્યારે શિક્ષણ નિરીક્ષક વી.એચ.શર્માએ કહ્યું કે બાળકો માટે વૈકલ્પિક વ્યવસ્થા કરવામાં આવશે. CBSE બોર્ડને રજૂઆત કરી કાર્યવાહીની માગ કરી છે. વિદ્યાર્થીઓના ભવિષ્યને ધ્યાનમાં રાખી નિર્ણય લેવાશે.

DPS ઈસ્ટની બહાર વિદ્યાર્થીઓએ કર્યો વિરોધ પ્રદર્શન

અમદાવાદના હાથીજણમાં આવેલી DPS સ્કૂલની માન્યતા રદ કરવામાં આવી છે. ત્યારે હવે DPS સ્કૂલની બહાર વિદ્યાર્થીઓએ વિરોધ નોંધાવ્યો છે. DPS સ્કૂલને બચાવવા માટે વિદ્યાર્થીઓ અપીલ કરી રહ્યા છે. DPS સ્કૂલ દ્વારા બાળકોને ઢાલ બનાવવામાં આવે છે. હવે ન્યાય આપવા માટે વિદ્યાર્થીઓએ સરકાર પાસે માગ કરી છે.સ્કૂલના પૂર્વ પ્રિન્સિપાલે ખોટા NOC રજૂ કરીને માન્યતા મેળવી હતી. ત્યારે હવે શિક્ષણ વિભાગ દ્વારા સ્કૂલની માન્યતા રદ કરવામાં આવી છે. જેના કારણે વિદ્યાર્થીઓ ચિંતિત થયા છે.

મંજૂલા પુજા શ્રોફ અને હિતેન વસંત હજુ ફરાર

અમદાવાદના હાથીજણમાં આવેલા DPS સ્કૂલની માન્યતા રદ કરવામાં આવી છે. બોગસ NOC મામલે સ્કૂલની માન્યતા રદ કરવામાં આવી છે. સ્કૂલના સંચાલક, પૂર્વ પ્રિન્સિપાલ હજુ સુધી ફરાર છે. મંજૂલા પુજા શ્રોફ, હિતેન વસંત અને અનિતા દુઆ હજુ સુધી ફરાર છે. પોલીસ ત્રણમાંથી હજુ પણ કોઈને પણ શોધી શકી નથી. ત્રણેય આરોપીઓએ આરોગતા જામીનની માગ કરી છે. બોગસ NOC કાંડમાં હાઈપ્રોફાઈલ આરોપીની ધરપકડ  ન થતા અનેક સવાલ ઉઠી રહ્યા છે.