તૈયારી / ઓનલાઈન શોપિંગને લઈને સરકાર નવા નિયમો કરી રહી છે તૈયાર, જાણો કંપનીએ કઈ માહિતિ ફરજિયાત આપવાની રહેશે

• ઈ-કોમર્સ કંપની પર નવા નિયમો
• સામાનની જવાબદારી કંપનીની રહેશે
• નકલી સામાન આવશે તો કંપની જવાબદાર
• નવા નિયમો ટૂંક સમયમાં થશે જાહેર

આજકાલ ઓનલાઈન શોપિંગનો ટ્રેન્ડ ચાલી રહ્યો છે. ઘરે બેઠા જ લોકો તેમાં ચીજોને ઘરે મંગાવી લે છે. પણ ક્યારેક શંકા રહેતી હોય છે કે પ્રોડક્ટ અસલી હશે કે નકલી. પણ હવે સરકાર એવા નિયમો લાવી રહી છે  જેમાં તમામ જવાબદારી કંપનીની રહેશે. જો પ્રોડક્ટ નકલી નીકળશે તો કંપની જવાબદાર રહેશે. ઈ-કોમર્સ માટે નવા નિયમો ટૂંક સમયમાં લાગુ કરવામાં આવશે. નવા નિયમ મુજબ કંપનીએ ગ્રાહકને ચીજવસ્તુ અંગે તમામ માહિતી આપવાની રહેશે. 

ગ્રાહકોને મળે દરેક પ્રોડક્ટની જાણકારી
નિયમ જે તૈયાર કરવામાં આવી રહ્યા છે તેમાં કહેવાયું છે કે ગ્રાહકને પ્રોડક્ટ અને સેવાઓ સાથેની તમામ જાણકારી મળવી જોઈએ. તેને આ વાતની જાણકારી આપવાની રહેશે કે સંબંધિત વસ્તુનો ઉત્પાદક દેશ કયો છે. ભારતમાં મૂલ્યમાં શું જોડવામાં આવ્યું છે. નિયમની રૂપરેખામાં કહેવાયું છે કે ઉચિત પ્રતિસ્પર્ધા માટે ઈ કોમર્સ કંપનીઓ પોતાના મંચ પર રજિસ્ટર્ડ વિક્રેતાઓ અને વેન્ડરની સાથે સમાનતાનો વ્યવહાર અને વર્તાવ કરે.  

નકલી હશે પ્રોડક્ટ તો ઈ કોમર્સ કંપનીની જવાબદારી
નક્કી નીતિમાં કહેવાયું છે કે આ સિવાય ઈ કોમર્સ કંપનીઓએ નક્કી કરવાનું રહેશે કે તેમના મંચ પર વેચાતી પ્રોડક્ટ નકલી ન હોય. આ માટે સેફ ગાર્ડના ઉપાય કરવાના રહેશે. જો કોઈ પણ ઈ કોમર્સ કંપનીના મંચથી નકલી વસ્તુ વેચવામાં આવે છે તો તેની જવાબદારી ઓનલાઈન કંપની અને વિક્રેતાઓની રહેશે. નવી નીતિમાં એમ પણ કહેવાયું છે કે ઔદ્યોગિક વિકાસ માટે ડેટા નક્કી કરવા માટે પણ પ્રોત્સાહિત કરાશે. આ માટે ડેટા રેગ્યુલેશન નક્કી કરાશે. 
 

સરકાર સતત લઈ રહી છે પગલા
ઉલ્લેખનીય છે કે ઓનલાઈન શોપિંગવાળા મંચથી નકલી પ્રોડક્ટના વેચાણની ફરિયાદ ઘણા સમયથી આવી રહી છે. અનેક વાર ગ્રાહકોને તેનાથી થતા ભારે નુકશાન ઉઠાવવું પડે છે. આ માટે સરકાર ઈ કોમર્સ કંપનીની ખામીઓને દુરસ્ત કરવા માટે તમામ પગલા લઈ રહી છે. જેથી આવનારા સમયમાં આ બજાર લોકોની જીવનશૈલીને સરળ બનાવી દેશે.