ન્યાયિક / હાઈકોર્ટનો મોટો આદેશ : પતિના દૂરના સગાની સામે પણ દહેજનો કેસ થઈ શકે- જાણો કોર્ટે કેમ ઠેરવ્યાં જવાબદાર

• દહેજ પજવણી મામલે બોમ્બે હાઈકોર્ટનો મહત્વનો આદેશ 
• પતિના દૂરના સગા પર પણ થઈ શકે કેસ
• દૂરના સંબંધીઓ પત્નીને હેરાન કરી શકે છે 

બોમ્બે હાઈકોર્ટે દહેજ ઉત્પીડનના એક કેસની સુનાવણી દરમિયાન એક સીમાચિહ્નરૂપ આદેશ જારી કરીને કહ્યું કે, દૂરના વિસ્તારોમાં રહેતા પતિના સંબંધીઓ વિરુદ્ધ પણ દહેજના કેસ નોંધી શકાય છે. 

દૂરના સંબંધીઓ પણ લગ્નજીવનમાં દખલ કરે છે-હાઈકોર્ટ
બોમ્બે હાઇકોર્ટની નાગપુર બેંચના જસ્ટિસ સુનીલ શુકરે અને ગોવિંદ સનપની ડિવિઝન બેંચ એક અરજી પર સુનાવણી કરી રહી હતી જેમાં પતિ, તેના માતાપિતા અને ભાઈ-બહેનોએ તેમની સામે નોંધાયેલી એફઆઈઆર રદ કરવાની માંગ કરી હતી.  બેન્ચે કહ્યું હતું કે ઘણી વખત દૂર રહેતા સંબંધીઓ પણ બે જણના લગ્ન જીવનમાં દખલગીરી કરે છે અને પત્નીને પણ હેરાન કરે છે આથી તેમની સામે પણ દહેજ પજવણીનો કેસ દાખલ થઈ શકે. 

દૂરના સગાની સામે દહેજ પજવણીનો કેસ દાખલ ન થઈ શકે તેવી દલીલ કોર્ટે ફગાવી 
નાગપુર બેન્ચે બંને પક્ષોની દલીલો સાંભળ્યા બાદ અરજદારની દલીલને સ્વીકારવાનો સ્પષ્ટ ઇનકાર કરી દીધો હતો કે આ કેસમાં દૂરના સંબંધીઓને સામેલ કરી શકાય નહીં. ખંડપીઠે પોતાના આદેશમાં કહ્યું, દૂર રહેતા સંબંધીઓ માટે નિર્દોષ હોવું એ કોઈ નિશ્ચિત બાબત નથી. જો કે, જો તેઓ તેને સાબિત કરે છે, તો તે અલગ છે. પતિ-પત્નીના કિસ્સામાં અંતરિયાળ વિસ્તારોમાં રહેતા સંબંધીઓ પણ સરળતાથી વચ્ચે પડી જાય છે. અને ઘણી વખત તેમાં પત્નીની પજવણી પણ સામેલ હોય છે.

શું છે મામલો 
નાગપુરની એક મહિલાએ તેના પતિ, સાસરિયા અને પતિના દૂરના સગાઓની સામે દહેજ પજવણીનો કેસ દાખલ કર્યો હતો. પતિએ આ કેસને હાઈકોર્ટમાં પડકારતા એવી દલીલ કરી હતી કે દૂરના સગાંઓની સામે દહેજ પજવણીનો કેસ દાખલ ન કરી શકાય જોકે કોર્ટે આ દલીલ ફગાવી દીધી હતી.  રાજ્ય સરકાર અને પીડિતાની પત્નીના વકીલોએ આ અરજી સામે વાંધો ઉઠાવ્યો હતો. અરજીમાં સ્પષ્ટ કરવામાં આવ્યું હતું કે આરોપી પતિ અકોલામાં એકલો રહે છે, જ્યારે તેના માતા-પિતા અને ભાઈ-બહેન દૂર રહે છે, તેથી પીડિતાએ સાસરિયાઓ અને સંબંધીઓ પર લગાવેલા આરોપોને ક્યાંયથી પણ યોગ્ય ઠેરવી શકાય નહીં.