જાણકારી / બર્ડ ફ્લૂથી બચવું છે તો તરત જ ડાઉનલોડ કરી લો APP, મળશે બીમારી સાથેની તમામ જાણકારી

• બર્ડ ફ્લૂથી બચવા  ડાઉનલોડ કરો આ એપ
• ‘Bird Flu se Suraksha’ એપ આપશે તમને જાણકારી
• ફ્રીમાં ડાઉનલોડ કરી શકાશે આ એપ

 
દેશના અનેક રાજ્યોમાં બર્ડ ફ્લૂનો પ્રકોપ સતત  વધી રહ્યો છે. રાજસ્થાન, કેરળ, મધ્યપ્રદેશ બાદ હિમાચલમાં પણ તેનો પ્રકોપ જોવા મળી રહ્યો છે. ગુજરાતમાં પણ બર્ડ ફ્લૂને લઈને એલર્ટ આપવામાં આવ્યું છે.  આ એક સંક્રામક બીમારી માનવામાં આવી રહે છે અને એચ5એન1 વાયરસના કારણે પક્ષીઓના શ્વસનતંત્ર પર તેની અસર પડે છે. આ સિવાય વ્યક્તિ પણ આ બીમારીથી સંક્રમિત થઈ શકે છે. પણ અનેક એવી ચીજો છે જેની મદદથી તમે પોતાને સુરક્ષિત રાખી શકો છો અને આ બીમારી ફેલાવવાથી અટકાવી શકો છો. આ માટે અમે તમને આ એપની જાણકારી આપી રહ્યા છીએ જેનાથી તમને અનેક જાણકારી મળી રહેશે. 

 
જાણો કેવી રીતે કરી શકાશે ડાઉનલોડ

‘Bird Flu se Suraksha’ એપને રાષ્ટ્રીય ઉચ્ચ સુરક્ષા પશુરોગ સંસ્થા  (National Institute of High Security Animal Disease Education)એ બનાવી છે. તેને તમે પ્લે સ્ટોર પરથી ફ્રીમાં ડાઉનલોડ કરી શકો છો. આ એપની સાઈઝ માત્ર 3.8 એમબીની છે. 
 
શું કરે છે આ એપ

આ એપ હિન્દી અને અંગ્રેજી બંને ભાષામાં કામ કરે છે. તેમાં ખેડૂતો, પશુ ચિકિત્સકો, કન્ઝ્યુમર અને પક્ષીઓની સાથે કામ કરનારા દરેક લોકો માટે જાણકારી આપવામાં આવી છે કે તેઓ પોતાને કઈ રીતે તેનાથી સુરક્ષિત રાથી શકે છે અથવા તો કઈ રીતે બર્ડ ફ્લૂથી ગ્રસિત પક્ષીઓની ઓળખ કરી શકે છે. 
 

એપ પર મળશે આ જાણકારી

આ એપમાં તમે બર્ડ ફ્લૂના લક્ષણો, ફેલાવવાના કારણો અને તેના ઉપાયોની જાણકારી મેળવી શકો છો. તેમાં તમે એ જાણી શકો છો કે બર્ડ ફ્લૂથી પીડિત પક્ષીઓથી કેવી રીતે બચી શકાય છે. નોનવેજ ખાનારાઓને પણ ખ્યાલ આવશે કે મરધી અને તેની અન્ય પ્રોડક્ટ ખાતી સમયે કઈ વાતોનું ધ્યાન રાખવું પડશે. 

રાષ્ટ્રીય ઉચ્ચ સુરક્ષા પશુરોગ સંસ્થા  (National Institute of High Security Animal Disease Education)એ એપમાં આપેલી માહિતી તમે મેળવી શકો છો. આ એપને 4.0.3 કે તેનાથી ઉપરના એન્ડ્રોઈડ વર્ઝન પર યૂઝ કરી શકાય છે.