દેશમાં હાલ 60 વર્ષથી વધુની વય અને ફ્રન્ટલાઈન વર્કર્સને બૂસ્ટર ડોઝ આપવામાં આવી રહ્યો છે. જોકે દરેક વ્યક્તિને બૂસ્ટર ડોઝ આપવામાં આવશે કે નહી તેને લઈને હાલ શંકા ઉભી થઈ છે. જેથી ટૂંક સમયમાં સરકાર દ્વારા આ મુદ્દે અલગ રણનીતિ બનાવામાં આવી શકે છે.
બૂસ્ટર ડોઝને લઈને કેન્દ્ર લઈ શકે છે મોટો નિર્ણય
દરેક વ્યક્તિને બૂસ્ટર ડોઝ મળશે કે નહી તેને લઈને શંકા
વિદેશોમાં બૂસ્ટર ડોઝ આપવા છતા પણ કેસ વધ્યા
કેન્દ્ર સરકાર દ્વારા બૂસ્ટર ડોઝને લઈને જે યોજના બનાવામાં આવી છે તેના પર ફરીથી સરકાર વિચાર કરે તેવી શક્યતા છે. આવું એટલા માટે થઈ શકે કારણકે નિષ્ણાંતોનું માનવું છે કે અને શંકા છે કે બૂસ્ટર ડોઝ અમુક વિશેષ ઉંમરના લોકોને સુરક્ષા આપવામાં નિષ્ફળ પણ રહી શકે છે. જેથી તેના પર ફરી સરકાર વિચાર કરે તેવી શક્યતા છે.
વિદેશમાં બૂસ્ટર ડોઝ આપવા છતા કેસ વધ્યા
એક વરિષ્ઠ અધિકારીનું કહેવું છે કે બૂસ્ટર ડોઝને લઈને સરકારે એકવાર ફરી વિચાર કરવો જોઈએ. સાથેજ તેમણે એવું કીધું કે વિદેશોમાં પણ બૂસ્ટર ડોઝ આપવામાં આવ્યા છે તેમ છતા પણ ત્યા કોરોનાના કેસ નથી ઘટી રહ્યા.
બૂસ્ટર ડોઝ આપનારા દેશોની સ્થિતીની થઈ સમીક્ષા
વેક્સિનેશન પર બનેલા ટેક્નીકલ સલાહકાર સમૂહ અને વિશ્વ સ્વાસ્થ્ય સંગઠન દ્વારા મંગળવારે એક ઉચ્ચ સ્તરિય બેઠક યોજાઈ હતી. જેમા બૂસ્ટર ડોઝને લઈને ખાસ ચર્ચા કરવામાં આવી હતી. જેમા વિશ્વ સ્વાસ્થ્ય સંગઠન દ્વારા જે દેશોમાં બૂસ્ટર ડોઝ આપવામાં આવી રહ્યા છે તે દેશોમાં પરિસ્થિતી કેવી છે તેને લઈને સમીક્ષા કરવામાં આવી હતી.
WHO જલ્દી આપશે માર્ગદર્શન
વિશ્વ સ્વાસ્થ્ય સંગઠન દ્વારા બૂસ્ટર ડોઝને લઈને હવે જલ્દી માર્ગદર્શન આપવામાં આવી શકે છે. જોકે એક વરિષ્ઠ અધિકારી દ્વારા એવું પણ કહેવામાં આવ્યું કે એક એવી વેક્સિન વિકસાવવી જોઈએ જે આ ગંભીર વાયરસના સંક્રમણને ફેલાતુ રોકી શકે. જોકે હાલ તો બૂસ્ટર ડોઝને લઈને અન્ય કોઈ પણ પ્રકારની જાહેરાત દેશમાં કરવામાં નથી આવી.
સરકાર અલગથી રણનીતી બનાવે તેવની શક્યતા
ઉલ્લેખનીય છે કે દેશમાં કોરોનાના કેસ કૂદકેને ભૂસકે વધી રહ્યા છે. જોકે ઓમિક્રોનની એન્ટ્રી બાદ સરકાર દ્વારા બૂસ્ટર ડોઝને લઈને જાહેરાત કરવામાં આવી હતી. પરંતુ પરિસ્થિતીને જોતા સરકાર દ્વારા બૂસ્ટર ડોઝને લઈને અલગથી કોઈ રણનીતી બનાવામાં આવે તેવી પણ શક્યતાઓ સેવાઈ રહી છે.