ચાલો જોઈએ કઈ છે એ 5 સરકારી બેંકો જેમાં રોકાણ કરીને ટેક્સ સેવિંગ FD પર સૌથી વધુ વ્યાજ મળી રહ્યું છે.
આ બેંકમાં FD કરીને સૌથી વધુ વ્યાજ અને આવકવેરામાં છૂટ મેળવી શકો
બેંકમાં 1.5 લાખ રૂપિયા સુધીનું રોકાણ કરીને ટેક્સમાંથી છૂટ મેળવી શકાય
5 સરકારી બેંકોમાં રોકાણ કરીને ટેક્સ સેવિંગ FD પર સૌથી વધુ વ્યાજ મેળવો
ટેક્સ સેવિંગ સીઝન શરૂ થવા જઈ રહી છે અને એવામાં જો તમે તમારી આવક અનુસાર આવકવેરામાં છૂટ મેળવવા માટે રોકાણ કરવાની તૈયારી કરી રહ્યા છો તો આ સમયથી મોડું ન કરવું જોઈએ. તમારા રોકાણ કરવા માટે આજે અમે તમને તે 5 સરકારી બેંકોની યાદી આપી રહ્યા છીએ, જેમાં તમે ફિક્સ્ડ ડિપોઝિટ (FD) કરીને સૌથી વધુ વ્યાજ તેમજ આવકવેરામાં છૂટ મેળવી શકો છો. સાથે જ જણાવી દઈએ કે આ બેન્કની ટેક્સ સેવિંગ ફિક્સ્ડ ડિપોઝિટ 5 વર્ષના લોક-ઇન સમયગાળા સાથે આવે છે અને તેના પર આવકવેરાની કલમ 80C હેઠળ આના પર કર મુક્તિ ઉપલબ્ધ છે. ઉપરાંત આ બેંકમાં 1.5 લાખ રૂપિયા સુધીનું રોકાણ કરીને ટેક્સમાંથી છૂટ મેળવી શકાય છે. ચાલો જોઈએ કઈ છે એ 5 સરકારી બેંકો જેમાં રોકાણ કરીને ટેક્સ સેવિંગ FD પર સૌથી વધુ વ્યાજ મળી રહ્યું છે.
Union Bank of India
યુનિયન બેંક ઓફ ઈન્ડિયા (Union Bank of India)એ હાલમાં જ ફિક્સ્ડ ડિપોઝિટ (FD) પરના વ્યાજ દરોમાં ફેરફાર કર્યો છે. જણાવી દઈએ કે બેંક હાલમાં 5 વર્ષની મુદત સાથે ટેક્સ સેવિંગ એફડી પર 6.70% વ્યાજ દર ઓફર કરી રહી છે અને ટેક્સ સેવિંગ FD વરિષ્ઠ નાગરિકોને 7.20% ના દરે વ્યાજ આપી રહી છે.
Canara Bank
કેનેરા બેંક(Canara Bank)એ 31 ઓક્ટોબર 2022ના રોજ તેના વ્યાજ દરોમાં ફેરફાર કર્યો હતો. એ મુજબ બેંક 5 વર્ષની FD પર વાર્ષિક 6.50%ના દરે વ્યાજ ઓફર કરી રહી છે અને ટેક્સ સેવર ડિપોઝિટ સ્કીમ હેઠળ રૂ. 1.50 લાખ સુધી જમા કરાવીને ટેક્સમાં છૂટ મેળવી શકો છો.
Indian Overseas Bank
ટેક્સ સેવિંગ એફડી પર વધુ સારા વ્યાજ દરોના સંદર્ભમાં ઈન્ડિયન ઓવરસીઝ બેંક (Indian Overseas Bank) ત્રીજા ક્રમે છે. જણાવી દઈએ કે બેંક ટેક્સ સેવર FD પર 6.40% ના દરે વ્યાજ ચૂકવે છે અને ટેક્સ સેવિંગ વરિષ્ઠ નાગરિકોને 6.90% અને FD પર સુપર વરિષ્ઠ નાગરિકોને 7.15% ના દરે વ્યાજ આપે છે.
Indian Bank
ઈન્ડિયન બેંક (Indian Bank) ટેક્સ સેવિંગ એફડી પર રિટર્ન આપવાના મામલે ચોથા સ્થાને છે. જણાવી દઈએ કે બેંક વરિષ્ઠ નાગરિકો માટે 6.40% અને 5વર્ષની કર બચત FD પર 6.90% વ્યાજ દર ઓફર કરી રહી છે.
Bank of India
બેંક ઓફ ઈન્ડિયા (Bank of India) ટેક્સ સેવિંગ FD પર વધુ વ્યાજ દરની દ્રષ્ટિએ પાંચમી બેંક છે. જણાવી દઈએ કે બેંક 5 વર્ષની ટેક્સ સેવિંગ એફડી પર 6.25 ટકાના દરે વ્યાજ ચૂકવે છે.