અમદાવાદ / દરિયાપુરના ATMમાંથી ડબલ રૂપિયા નીકળતા હોવાની વાત પંથકમાં પ્રસરી, લોકોની લાગી લાઇન

• ATMમાંથી નીકળ્યા ડબલ રૂપિયા ?
• ડબલ રૂપિયા નીકળતા હોવાનો સ્થાનિકનો દાવો
• ATM પર રૂપિયા લેવા ભીડ

અમદાવાદમાં દરિયાપુર દરવાજા પાસે આવેલ Axis બેંકના ATMમાંથી ડબલ રૂપિયા નીકળતા હોવાનું સામે આવ્યું હતું. જેને લઇને સમગ્ર વિસ્તારમાં લોકો રૂપિયા કાઢવા ATM દોડી આવ્યા હતા. મહિલાઓ અને પુરૂષોએ ATM પર પહોંચીને રૂપિયા ઉપાડવાના પ્રયાસો કર્યા હતા. સ્થાનિકોએ દાવો કર્યો કે, ATMમાંથી ડબલ રૂપિયા નીકળે છે. પરંતું આ અંગે કોઈ સત્તાવાર માહિતી નથી. જો કે, હાલ સમગ્ર વિસ્તારમાં ડબલ રૂપિયા આપતા આ ATMની ચર્ચા થઈ રહી છે.