માળીયા મિયાણાના કોબા વાંઢ વિસ્તારમાં બે પરિવાર વચ્ચે ભેંસ ચરાવવા બાબતે થયેલી માથાકૂટમાં માતા-પુત્રની લોથ ઢળતા ભારે ચકચાર મચી ગઇ હતી.
મોરબી જિલ્લામાં ડબલ મર્ડરની ઘટના
માળીયા મીયાણાના કોયબા વાંઢ વિસ્તારમાં ડબલ મર્ડર
માતા-પુત્રની હત્યાથી હાહાકાર
મોરબી જિલ્લામાં ડબલ મર્ડરની ઘટના પ્રકાસમાં આવી છે. જેમાં માળીયા મીયાણાના કોયબા વાંઢ વિસ્તારમાં એક મહિલા અને તેના પુત્રની હત્યા કરવામાં આવતા સનસનાટી મચી જવા પામી હતી. ઢોર ચરાવવા મામલે કૌટુંબિક ભત્રીજાએ જ હત્યા કરી હોવાનું સામે આવતા સમગ્ર મામલે તાલુકા પોલીસે તપાસ હાથ ધરી છે.આજે સાંજે 8 વાગ્યાની આસપાસ કૌટુંબિટ ભત્રીજો ભેંસો ચરાવવા બાબતે માથાકૂટ થતા માતા-પુત્રની હત્યા કરી હતી.
બંનેના મોત નિપજતા મામલો હત્યામાં પલટાયો
આ અંગે પોલીસ સૂત્રોમાંથી જાણવા મળતી વિગત અનુસાર મોરબીના માળિયા મિયાણા શહેરના કોબાવાંઢ વિસ્તારમાં રહેતા ઝરીનાબેન ઈસાભાઈ મોવર અને તેના 22 વર્ષીય પુત્ર હબીબભાઈ ઈસાભાઈ મોવરને તેના જ સબંધી સાથે ભેંસ ચરાવવા મામલે બબાલ થઇ હતી. જેને લઇને બોલાચાલી ઉગ્ર બનતા માતા- પુત્ર પર આરોપી તીક્ષ્ણ હથિયાર વડે તુટી પડ્યો હતો. આ દરમિયાન બન્નેને લોહીલુહાણ હાલતમાં મોરબી હોસ્પિટલ ખસેડાયા હતા જ્યાં બંનેના મોત નિપજતા મામલો હત્યામાં પલટાયો હતો.
હત્યાને અંજામ આપી નાશી છૂટેલા આરોપીને દબોચી લેવા તપાસ
જેને પગલે મૃતક ઝરીનાબેનને મોરબી સિવિલ હોસ્પિટલ ખાતે અને પુત્ર હબીબને માળીયા સિવિલ હોસ્પિટલમાં પીએમ માટે ખસેડવામાં આવ્યા હતા. વધુમાં બેવડી હત્યાને પગલે કોબા વાંઢ વિસ્તારમાં ભારે સોપો પડી ગયો છે. હત્યાને અંજામ આપી નાશી છૂટેલા આરોપીને દબોચી લેવા પોલીસે પણ તપાસના ચક્રો ગતિમાન કર્યા છે.પોલીસ દ્વારા આગળની કાર્યવાહી હાથ ધરવામાં આવી છે.