ઓનર કિલિંગ / જામનગરમાં પ્રેમલગ્ન કરનાર યુવકની હત્યા, તો બદલામાં યુવકના પરિજનો દ્વારા યુવતીની માતાનુ ઢીમ ઢાળી દેવાયું

• ઓનર કિલિંગમાં ડબલ મર્ડર
• જામનગરની ઘટના
• યુવક અને તેના સાસુની હત્યા

રાજ્યમાં સરાજાહેર હત્યાના બનાવોમાં મોટો વધારો થયો છે. એક પણ દિવસ એવો હોતો નથી કે કોઇ હત્યાનો બનાવ ન બન્યો હોય.ફરી એક વખત પ્રેમ સંબધનું પરિણામ હત્યાથી ખતમ થયું છે. જામનગરમાં ઓનર કિલિંગમાં ડબલ મર્ડરની ઘટના ઘટતા ચકચાર મચી છે.

જામનગરમાં બનેલી આ ડબલ મર્ડરની ઘટનાની જો વિગતે વાત કરીએ તો યુવક અને યુવતીએ તેના પરિવારની ઈચ્છા વિરુદ્ધ લગ્ન કર્યા હતા. જેની અદાવત રાખી યુવતીના પરિવારે પ્રેમલગ્ન કરનાર યુવકનું ઢીમ ઢાળી દીધું હતું. જે બાદ મામલો સમાધાન માટે પડ્યો હતો પણ મૃતક યુવકના પરિવારજનો પણ બદલો લેવાની ફિરાકમાં હતા. તેથી તેમણે વેર વાળવા યુવતીની માતાની હત્યા કરવાનું કાવતરું ઘડ્યું હતું.

મૃતકનું નામ : 

• સોમાં સોરીયા- યુવક
• આશાબા ઝાલા- સાસુમા

શું છે સમગ્ર બનાવ
જામનગરની ભાગોળે આવેલ હાપા ખીરી વિસ્તારમાં રહેતા સોમરાજ ચારણ નામના યુવાનની હત્યા નીપજાવવા આવી.રાજકોટ રોડ પર આવેલ મોટરસાયકલના સો રૂમ પાસે યુવાન ઉભો હતો ત્યારે બાઈક પર આવેલ સોમરાજના સસરાએ બાઈક પરથી નીચે ઉતરી હાથમાં તીક્ષ્ણ હથિયાર લઇ પાછળ દોટ મૂકી હતી. જેને લઈને યુવાન સો રૂમ અંદર ઘુસી ગયો હતોથોડી વાર બાદ મામલો થાળે પડી ગયો હોય એમ લાગતા યુવાન સો રૂમ બહાર આવ્યો હતો. જમાઈ એવા યુવાનની વાટ જોઈ બહાર ઉભેલ સસરાએ ફરી દોટ મૂકી હતી...જેને લઈને યુવાન પરત સો રૂમમાં દોડી ગયો હતો.પરંતુ પાછળ આવી સસરા એવા આરોપીએ યુવાન પર તીક્ષ્ણ હથિયારથી હુમલો કરી કરપીણ હત્યા નીપજાવી હતી..યુવાન સોમરાજની હત્યા નીપજાવી આરોપી બાઈકમાં નાશી ગયો હતો.

હત્યાના આ બનાવ અંગે યુવાનના પરિવારજનોને જાણ થતા જ તેઓ ઘટના સ્થળે પહોચ્યા હતા.જ્યાં પોતાનો વ્હાલસોયો ભાઈ મૃત્યુ પામ્યો હોવાનું સામે આવતા યુવાનનો ભાઈ તુરંત આરોપીના ઘરે પહોચ્યો હતો. ભાઈની જે આરોપીઓએ હત્યા નીપજાવી છે તેને પતાવી દેવાની તૈયારી સાથે મૃતકનો ભાઈ આરોપીઓના ઘર સુધી પહોચ્યો હતો.પરંતુ કોઈ પુરુષ આરોપી હાથ લાગ્યા ન હતા.પરંતુ ઘર બહાર જ મૃતકના સાસુને આંતરી લઇ છરી વડે હુમલો કરી ધીમ ઢાળી દીધું હતું. ટૂંકા ગાળામાં જ ભાઈની હત્યાનો બદલો લઇ નાશી ગયો હતો સમગ્ર મામલે સામ સામે ફરિયાદ નોંધાતા ઓનર કિલિંગમાં ડબલ મર્ડરની તપાસ કરી બંને પક્ષે આરોપીઓની ધરપકડ કરવામાં આવી છે.