બિહારના બેગૂસરાયમાં દિવાળીની આખી રાત બે જૂથો જુગાર રમતા હતા. સવાર થતાં એક જૂથ જુગાર હારવા લાગ્યુ તો વિવાદનો મધપૂડો છંછેડાયો. જેને પગલે બીજા જૂથે તાબડતોબ ફાયરીંગ શરૂ કર્યુ. જેમાં બે લોકોના ઘટનાસ્થળે મોત થયા.
બિહારના બેગૂસરાયમાં જુગાર રમતી વખતે ફાયરીંગ
બે જૂથો વચ્ચે થયેલા ફાયરીંગમાં ઘટનાસ્થળે 2ના મોત
ફાયરીંગમાં બે લોકો ગંભીર રીતે ઘાયલ
જુગાર રમતી વખતે બે જૂથો વચ્ચે ફાયરીંગ
બેગૂસરાયમાં જુગાર રમતી વખતે બંને જૂથો વચ્ચે થયેલી ફાયરીંગમાં બે લોકોના ઘટનાસ્થળે મોત થયા જ્યારે બે લોકો ગંભીર રીતે ઘાયલ થયા છે. ઘાયલ જુગારીઓને પ્રાથમિક સ્વાસ્થ્ય કેન્દ્રમાં દાખલ કરવામાં આવ્યાં છે. ઘટના લોહિયા નગર પોલીસ સ્ટેશન વિસ્તારના બાઘી વોર્ડ નંબર 25ની છે. અહીં દિવાળીના તહેવાર દરમ્યાન જુગાર રમવાની પ્રથા છે. ગુરૂવારે મોડી રાત્રે કેટલાંક લોકો જુગાર રમી રહ્યાં હતા. શુક્રવારે વહેલી સવારે બંને જૂથોમાં રમત દરમ્યાન વિવાદ થયો. આ દરમ્યાન એક જૂથના કેટલાંક લોકોએ તાબડતોબ ફાયરીંગ શરૂ કરી દીધી. વિરોધમાં બીજા જૂથના કેટલાંક લોકોએ પણ ફાયરીંગ શરૂ કરી દીધી. જેમાં એક જૂથના બે લોકોના મોત થયા. જ્યારે બીજા જૂથના બે લોકો ગંભીર રીતે ઘાયલ થયા.
ફાયરીંગની ઘટના બાદ આખા વિસ્તારમાં દહેશત ફેલાઈ
ફાયરીંગની ઘટના બાદ આ વિસ્તારમાં દહેશત ફેલાઈ ગઇ છે. તો સુચનાના આધારે પોલીસે પણ ઘટનાસ્થળે પહોંચી મૃતદેહોની ઓળખ કરી વધુ કાર્યવાહી હાથ ધરી છે. પોલીસ મુજબ, ઘટનાસ્થળેથી 9 જીવતા કારતુસ, ત્રણ ખોખા ગાંજાની થેલીઓ અને ચિલમ એકત્રિત કર્યુ છે. જોકે, હત્યાનું કારણ હજી સુધી જાણવા મળ્યું નથી. પોલીસ કેટલાંક લોકોની પૂછપરછ કરી રહી છે.