ડબલ મર્ડર કેસ / મિસ્ટ્રીઃ 20 દિવસ પહેલા પતિએ કર્યો હતો આપઘાત, હવે પત્ની અને પુત્રનું થયુ ખુન

• મહિલાને જેઠે જ કરી હત્યા
• કપાસના ખેતરમાંથી મળી લાશ
• પાઈપ ફટકારીને માતા-પુત્રને મોતને ઘાટ ઉતારાયા

ગાંગડા ગામમાં હાલ શોકનો માહોલ છે. પહેલા આત્મહત્યા અને પછી હત્યા એમ એક આખા પરિવારનના મોત ને કારણે મૃતકના આડાં સબંધની શંકાના આધારે તેના જ જેઠે હત્યા ને અંજામ આપ્યાની આશંકા.

કપાસના ખેતરમાંથી મળી લાશ

ઉના ન ગાંગડા ગામે ગત રાત્રે મહિલા અને તેના પુત્ર ની હત્યા કરાઈ હતી. બંનેની લાશ કપાસ ના ખેતર માંથી મળી આવી હતી. મૃતક મહિલા ના પતિએ 20 દિવસ પહેલા ગળે ટૂંપો ખાઈ આત્મ હત્યા કરી લીધી હતી. જ્યારે મહિલા અને તેના પુત્રની હત્યા પાછળ નું કારણ આડા સબંધ હોવાનું મનાય રહ્યું છે.  

પાઈપ ફટકારીને માતા-પુત્રને મોતને ઘાટ ઉતારાયા

મૃતક મહિલાના ભાઈ એ જણાવ્યા મુજબ માતા અને પુત્રની પાઇપ વડે હત્યા કર્યા બાદ ઢસડી ને કપાસ ના ખેતરમાં નાખી દેવામાં આવ્યા હતા.  

પોલીસે શરૂ કરી કાર્યવાહી

પોલીસ આડા સંબોધાના ગણિતની થીયરીને આધારે કાર્યવાહી  કરી રહી છે. પોલીસે ડબલ મર્ડર નો ગુનો નોંધી તપાસ હાથ ધરી છે, પોલીસ ના જણાવ્યા મુજબ  આડા સબંધ ને લઇ મહિલા ના જેઠે જ માતા પુત્ર ની હત્યા નિપજાવ્યા ની આશંકા છે. ઉના તાલુકાના નાનકડા એવા ગામમાં ડબલ હત્યા બાદ સમગ્ર ગાંગડા ગામમાં શોકનો માહોલ છે. તો ગીર સોમનાથ પોલીસ દ્વારા પણ થોડા અંશે હત્યાનો ભેદ ઉકેલાતા આરોપીને પકડવા માટે ચક્રો ગતિમાન કર્યા છે.  

મહિલાને જેઠે જ કરી હત્યા

મહિલાના જેઠ પ્રતાપ સામે મૃતક મહિલાના ભાઈ એ હત્યા કર્યા ની ફરિયાદ કરતા પોલીસે એફએસએલ અને ડોગ સ્ક્વોડ ની મદદથી તપાસ નો ધમધમાટ શરૂ કર્યો છે. જો કે આરોપી ફરાર હોવાનું પોલિસ જણાવી રહી છે.