દેશમાં કોરોના સંક્રમણથી મોટી રાહત મળી છે. 154 દિવસમાં સૌથી ઓછા છે.
એક દિવસમાં નોંધાયા154 દિવસમાં સૌથી ઓછા કેસ
24 કલાકમાં કોરોનાના 25, 166 નવા કેસ
દેશમાં અત્યાર સુધીમાં 55 કરોડ રસી લાગી છે
એક દિવસમાં નોંધાયા154 દિવસમાં સૌથી ઓછા કેસ
દેશમાં કોરોના સંક્રમણથી મોટી રાહત મળી છે. મંગળવારે ગત 24 કલાકમાં કોરોનાના 25, 166 નવા કેસ નોંધાયા છે. જે ગત 154 દિવસમાં સૌથી ઓછા છે. જેના કારણે કુલ મામલાની સરખામણીએ એક્ટિવ કેસની ટકાવારી ઝડપથી ઘટી 1.15 ટકા થઈ ગઈ છે. જે માર્ચ 2020 બાદ અત્યાર સુધીમાં સૌથી ઓછા છે. આ ઉપરાંત એક્ટિવ કેસની સંખ્યા હવે 3,69,846 રહી ગઈ છે. જે ગત 146 દિવસમાં સૌથી ઓછો આંકડો છે. રિકવરી રેટની વાત કરીએ તો હાલ દેશમાં 97.51 ટકા છે. જે માર્ચ 2020 બાદ સૌથી વધારે છે.
24 કલાકમાં 36, 830 લોકો કોરોનાથી રિકવર થયા
અત્યાર સુધી ભારતમાં 3,14,48,754 લોકો કોરોનાને હરાવી ચૂક્યા છે. એટલું જ નહીં ગત 24 કલાકમાં 36, 830 લોકો કોરોનાથી રિકવર થયા છે. એક તરફ નવા કેસની સંખ્યા 25 હજારની નજીક અને બીજી તરફ 36 હજાર લોકો સાજા થયા હોવાથી એક દિવસમાં એક્ટિવ કેસની સંખ્યામાં 10 હજારનો ઘટાડો નોંધાયો છે. આ ઉપરાંત રસીકરણની સ્પીડ પણ એક વાર ફરી વધી છે. ગત 24 કલાકમાં 88.13 લાખ રસીના ડોઝ અપાઈ ચૂક્યા છે. જે કોઈ એક દિવસમાં રસીકરણના સૌથી મોટો આંકડો છે.
દેશમાં અત્યાર સુધીમાં 55 કરોડ રસી લાગી છે
દેશમાં અત્યાર સુધીમાં 55.47 કરોડથી વધારે કોરોનાની રસી લાગી છે. એક તરફ ઝડપથી ઘટી રહેલા નવા કેસ અને બીજી તરફ રસીકરણની સ્પીડને કોરોનાની ગતિને અટકાવવાનું કામ કર્યુ છે. આના ચાલતા લાંબા સમય બાદ વીકલી પોઝિટિવિટી રેટ હવે 2 ટકાથી પણ ઓછો થઈ ગયો છે. ડેલી પોઝિટિવિટી હવે માત્ર 1.61 ટકા રહી ગયો છે. ગત 22 દિવસમાં આ 3 ટકાથી ઓછો બનેલો છે. એપ્રિલ અને મેમાં કોરોનાની બીજી લહેરના પકની સરખામણીએ સ્થિતિ ઘણી સારી છે. આ દરમિયાન માત્ર એક દિવસમાં નવા કેસનો આંકડો 3થી 4 લાખ પહોંચી ગયો હતો.