VIDEO: જીવનનો ખરો નફો કમાવવા CA થયેલાં સુરતનાં પિતરાઈ ભાઈ-બહેન લેશે દીક્ષા

સુરતનાં ધનાઢ્ય પરિવારનાં પિતરાઈ ભાઈ-બહેન 10 ફેબ્રુઆરીએ દીક્ષા લેશે. ચાર્ટડ એકાઉન્ટેડ કદમ દોશી અને પિતરાઈ બહેન વિદિશા દોશી દીક્ષા લેશે. મળતી માહિતી મુજબ 24 વર્ષીય કદમ દોશી મૂળ કચ્છનાં આડેસરનો રહેવાસી છે. હાલમાં કદમ દોશી CAની કંપનીમાં નોકરી કરી રહ્યો છે. દીક્ષા પહેલાં આજે અડાજણમાં પત્રિકા લેખનનાં કાર્યક્રમનું આયોજન કરવામાં આવ્યું છે.

મહત્વનું છે કે શહેરનાં રાંદેર રોડ પર ઋષભ ટાવરમાં રહેનાર દોશી પરિવારનાં પિતરાઇ ભાઇ-બહેન આગામી આવનારી 10 ફેબ્રુઆરીએ દીક્ષા લેવાનાં છે. જેમાં ચાર્ટડ એકાઉન્ટ એટલે કે CA કદમ જોશીએ CAનો અભ્યાસ પૂર્ણ કર્યા બાદ 10 જુદી-જુદી કંપનીમાં પણ તેઓએ નોકરી કરેલી છે.

જો કે હવે તેઓ સંયમનાં માર્ગે આગળ જવાનું નક્કી કરી લીધું છે. તેઓ દીક્ષા લેવાનાં હોવાંથી અડાજણમાં આજનાં ગુરૂવારનાં રોજ પત્રિકા લેખનનાં કાર્યક્રમનું પણ આયોજન કરવામાં આવ્યું છે.