અંબાજી / આજથી ફરી ખુલ્યા અંબાજી મંદિરના દ્વાર ! દર્શને જતા પહેલા જાણી લો સમય અને નવી ગાઇડલાઇન

• અંબાજી મંદિર દર્શનાર્થીઓ માટે ખુલ્લુ મુકાશે
• આજથી દર્શનાર્થીઓને મંદિરમાં પ્રવેશ અપાશે
• કોરોના ગાઇડલાઇન અનુસાર કરી શકશે દર્શન

શક્તિપીઠ અંબાજી મંદિર દર્શનાર્થીઓ માટે ખુલ્લુ મુકાશે

શ્રદ્ધાળુઓ માટે બહુ મોટા કહી શકાય તેવા સમાચાર આવી રહ્યા છે. કોરોનાના વચ્ચે વધેલા સંક્રમણનાં કારણે  શક્તિપીઠ અંબાજી મંદિર ટ્રસ્ટે ત્રણ સપ્તાહ માટે ભાવિકોને પ્રવેશ બંધી ફરમાવી હતી. જે મુદ્દત આજે પૂર્ણ થતા દર્શનાર્થીઓ માટે મંદિર ખુલ્લુ મુકાયું હતું. આજે  સવારે 7.30થી 11.30 દરમિયાન રાબેતા મુજબ દર્શન શરૂ થઈ ગયા છે. તો બપોરે 12.30થી 4.15 સુધી અને સાંજે 7થી 9 વાગ્યા દરમિયાન પણ  દર્શન કરી શકાશે.

ગબ્બર પર્વત પર પણ શ્રદ્ધાળુઓ કરી શકશે દર્શન

મહત્વનું છે કે, બીજી તરફ આજ રીતે ગબ્બર પર્વત પર પણ શ્રદ્ધાળુઓ દર્શન  કરી શકશે.તેમજ મંદિરમાં દર્શન કરવા માટે શ્રદ્ધાળુઓએ મંદિરની વેબસાઈટ પર રજિસ્ટ્રેશન કરાવવાનું રહેશે. તેમજ વેક્સિનેશન સર્ટી અને ડોક્યુમેન્ટ અપલોડ કરવાના રહેશે. તેમજ તંત્ર દ્વારા  65 વર્ષથી વધુ ઉંમરના શ્રદ્ધાળુઓને ઓનલાઈન દર્શનની અપીલ કરવામાં આવી છે.   

આજથી કચ્છનું કોટેશ્વર મંદિર પણ ભક્તો માટે ખુલ્યું 

શક્તિપીઠ અંબાજી મંદિર બાદ કચ્છનું કોટેશ્વર મંદિરમાં આજ થી ભાવિકો માટે ખુલ્લું મુકવામાં આવ્યું છે. ઉલ્લેખનીય છે કે, રાજ્યમાં કોરોનાનું સંક્રમણ વધતાં કચ્છનું નારાયણ સરોવર-કોટેશ્વર મંદિર 31મી જાન્યુઆરી સુધી બંધ કરાયા હતાં. જેની મુદ્દત પૂર્ણ થતાં આજ થી પુનઃ ખોલવામાં આવ્યું છે.