RBIની નવી ગાઇડલાઇન મુજબ કેટલીક વસ્તુઓની ખરીદી માટે ક્રેડિટ કાર્ડનો ઉપયોગ કર્યો તો કાર્ડને બ્લોક કરી દેવામાં આવશે.
RBIની નવી ગાઈડલાઇન જાહેર
ક્રેડિટ કાર્ડ યુઝર્સ માટે મહત્વના સમાચાર
આ વસ્તુઓની ખરીદી કરવાથી થઈ શકે છે કાર્ડ બ્લોક
કેશલેસ ભારતમાં ક્રેડિટ કાર્ડનો વપરાશ સતત વધી રહ્યો છે
કેશલેસ થઈ રહેલા ભારતમાં ક્રેડિટ કાર્ડનો વપરાશ સતત વધી રહ્યો છે. આજકાલ લોકો શોપિંગથી લઈને ટ્રાવેલિંગમાં પણ ક્રેડિટ કાર્ડનો ઉપયોગ કરી રહ્યા છે. ક્રેડિટ કાર્ડનો ઉપયોગ તો બધા લોકો કરતાં જ હોય છે પરંતુ તમે એ વાત નહી જાણતા હોવ કે, ક્રેડિટ કાર્ડથી કેટલીક ખાસ વસ્તુઓની પેમેન્ટ કરવું ગેરકાયદેસર છે. RBIએ ક્રેડિટ કાર્ડ દ્વારા થતી ખાસ વસ્તુઓની લેવડ-દેવડ પર રોક લગાવી દીધી છે.
ક્રેડિટ કાર્ડ યુઝર્સ નિયમોથી છે અજાણ
ક્રેડિટ કાર્ડનો બેફામ ઉપયોગ કરતાં લોકો તેના નિયમોથી આજે પણ અજાણ છે. કેટલીક વાર એકાઉન્ટમાં પૈસા ના હોવાથી મુશ્કેલીના સમયમાં લોકો ક્રેડિટ કાર્ડની મદદથી લોન પણ લેતા હોય છે અને ઓછા રકમની લોન આસાનીથી મળી પણ જાય છે. RBIએ ક્રેડિટ કાર્ડ દ્વારા થતાં કેટલાક ખાસ પેમેન્ટ્સ પર રોક લગાવી દીધી છે અને તમે જો નિયમોને જાણ્યા વગર આ વસ્તુઓની ખરીદી માટે ક્રેડિટ કાર્ડનો ઉપયોગ કરશો તો સજા પણ થઈ શકે છે .
આ પેમેન્ટ્સ કરવાથી થઈ શકે છે તમારું કાર્ડ બ્લોક
ફોરેન એક્સચેન્જ મેનેજમેન્ટ એક્ટ, 1999 મુજબ RBIએ ફોરેક્સ ટ્રેડિંગ, લોટરીની ટિકિટ ખરીદવા પર, કોલ-બૅક સર્વિસ, સટ્ટાબાજી, સ્વીપસ્ટેક્સ, જુગાર વ્યવહાર અને પ્રતિબંધિત મેગેજીન્સના પેમેન્ટ્સ માટે ક્રેડિટ કાર્ડના ઉપયોગ પર પ્રતિબંધ લગાવી દીધો છે અને ગેરકાયદેસર રીતે આ પેમેન્ટ્સ કરવાથી તમારું કાર્ડ બ્લોક થવાની સાથે સાથે તમને સજા પણ થઈ શકે છે.
SBIએ ઈમેલ દ્વારા કસ્ટમર્સને RBIની ગાઈડલાઇન મોકલી
SBIએ પોતાના કસ્ટમર્સને ઈમેલ દ્વારા RBIની ગાઈડલાઇનની જાણકારી આપી દીધી છે. આ મેઇલમાં જાણકારી આપી છે કે, ફોરેક્સ ટ્રેડિંગ મર્ચન્ટ, કસીનો, હોટેલ અને વેબસાઇટ ગ્રાહકોને ક્રેડિટ કાર્ડ દ્વારા ખરીદી કરવા માટે ઑફર્સ આપે છે પરંતુ ક્રેડિટ કાર્ડથી આ પેમેન્ટ્સ થઈ શકશે નહી.