સુરતના કોઇબેંક ખાતામાં રકમ ડેબિટ થતા સુરત ક્રાઇમ બ્રાંચે હાથ ધરી હતી તપાસ
શું તમને KYC સંબંધિત જાણકારી માટે બેંકમાંથી અવારનવાર ફોન આવે છે ? શું તમને બેંકમાં KYC અપડેટના નામે લિંક મોકલવામાં આવે છે. તો સાવધાન થઇ જજો. કારણ કે આ કોઇ બેંકમાંથી નહિ પરંતુ બેંકના નામે તમને લૂંટવાના પ્રયાસો થઇ રહ્યા છે. જો કે સુરત ક્રાઇમ બ્રાંચની સતર્કતાને લીધે કેવાયસીના નામે છેતરપિંડી કરતી ગેંગ ઝડપાઇ ગઇ છે. રવિ બોરડાસહિત 3 યુવકોની ધરપકડ કરી.
રવિ બોરડા સહિત 3 શખ્સોની ધરપકડ
વાત જાણે એમ છે કે 20 લાખની ઓનલાઇન છેતરપિંડીની હૈદરાબાદ સાયબર પોલીસમાં ફરિયાદ નોંધાઇ હતી. જેની વધુ તપાસ કરતા આ સમગ્ર મામલાના તાર સુરતમાં જોડાયેલા હોવાનું સામે આવ્યું હતું. જે ડેબિટ કાર્ડમાં રૂપિયા જમા થતા હતા તેનું એડ્રેસ સુરતનું હતું. આ મામલે ક્રાઇમબ્રાંચે તપાસ કરતા રવિ બોરડા નામના આરોપીને ઝડપી પાડ્યો. તેની પાસેથી 500જેટલા ડેબિટકાર્ડ મળી આવ્યા. સુરત ક્રાઈમ બ્રાન્ચે આરોપીઓને હૈદરાબાદ પોલીસને સોંપી દીધા.
પર્સનલ ડિટેઇલ્સ આપતા પહેલા ધ્યાન રાખજો
મહત્વનું છે કે આજકાલ ઓનલાઇન વેપાર ધંધો તેજ બન્યો છે. લોકો ઓનલાઇન શોપિંગ અને વેચાણ કરી રહ્યા છે. વળી ઓનલાઇન ખરીદી કરવા પર સારુ ડિસ્કાઉન્ટ મળી રહ્યુ હોવાથી લોકો દુકાનમાંથી ખરીદી કરવાનું ટાળે છે. પરિણામે તેનો લાભ લઇને ઘણા લેભાગુ તત્વો સારી સારી ઓફર અને સ્કીમો આપીને લોકોને પોતાની ચુંગાલમાં ફસાવવાનો પ્રયાસ કરે છે.. ત્યારે ફેક ફોન કોલ આવે તો તમારી પર્સનલ ડિટેઇલ્સ આપતા પહેલા ખરાઇ કરી લેવી અનિવાર્ય થઇ પડે છે.