કોરોના વાયરસ સામે લડવા માટે વિશ્વભરમાં રસી શોધવા માટે છેલ્લા ચરણમાં કામ થઇ રહ્યું છે અને ઘણી જગ્યાએ રસીકરણ શરુ થયું છે ત્યારે તેને લગતા મોટા સંચાર સામે આવી રહ્યા છે.
વિશ્વભરમાં કોરોના સામે લડવા રસી માટે થઇ રહ્યું છે કામ
સૌથી પહેલા રશિયાએ જ રસીની કરી દીધી હતી જાહેરાત
રશિયાની આ રસીનો ડોઝ અપાય ત્યારે બે મહિના દારૂથી દૂર રહેવા લોકોને સલાહ
કોરોનાના કહેર સામે રસી પર કામ શરુ
કોરોના વાયરસના કારણે વિશ્વના કરોડો લોકો સંક્રમિત થયા છે જ્યારે કારણે લાખો લોકોએ જીવ ગુમાવ્યા છે ત્યારે અમુક દેશોમાં તો કોરોના સામે લડવા માટે કોરોનાની રસી આપવાની શરુઆત થઇ ગઈ છે. હાલમાં જ ફાઈઝરની રસી બ્રિટનમાં આપવાની શરૂઆત થઇ છે ત્યારે રશિયા પણ દાવો કરી રહ્યો છે લોકોને રસી આપવાની શરૂઆત થઇ ગઈ છે.
રસી મળશે પણ દારૂથી રહેવું પડશે દૂર
રશિયાએ જ સૌથી પહેલા કોરોનાની રસી બનાઈ લીધી હોવાનો દાવો કર્યો હતો જેમાં રશિયાએ Sputnik V રસીની જાહેરાત કરી નાખી હતી ત્યારે હવે આ રસીને લઈને મોટા સમાચાર આવી રહ્યા છે. રશિયાના મીડિયા અહેવાલો અનુસાર રશિયાની આ રસીના ડોઝ લીધા બાદ બે મહિના સુધી દારૂ-શરાબથી દૂર રહેવું પડશે.
ડેપ્યુટી PMએ પણ કહ્યું...
રશિયાના ડેપ્યુટી પીએમ ગોલિકોવાએ કહ્યું છે કે રશિયાના લોકોએ હવે ભીડમાં જવાથી બચવું પડશે, ફેસ માસ્ક લગાવવું પડશે તથા શરાબથી દૂર રહેવું પડશે. એક અધિકારીએ કહ્યું કે આ શરીર માટે એક તણાવ છે એટલે જો તમે સ્વસ્થ રહેવા માંગો છો તો મજબૂત રોગપ્રતિકારક ક્ષમતા માટે શરાબથી દૂર રહો.
સ્વાસ્થ્ય નિષ્ણાતો આપી રહ્યા છે સલાહ
રશિયાના મેડિકલ અધિકારી પણ પોતાના દેશના નાગરિકોને બે મહિના સુધી દારૂથી દૂર રહેવાની સલાહ આપી રહ્યા છે. રશિયામાં સ્વાસ્થ્યના એક્સપર્ટ એના પોપોવાએ એક રેડિયો સ્ટેશનમાં લોકોને કહ્યું કે લોકો આ ડોઝ લે તેના બે અઠવાડિયા પહેલા અને ડોઝ લાગ્યાનાં 42 દિવસ સુધી દારૂથી બચીને રહે. નોંધનીય છે કે રશિયામાં હાલમાં પહેલા હેલ્થ વર્કર્સ, સૈનિકો, શિક્ષકો અને સામાજિક કાર્યકર્તાઓને મોટા પ્રમાણમાં ડોઝ આપવામાં આવી રહ્યા છે.
રશિયાના લોકો પીવાના શોખીન
નોંધનીય છે કે રશિયાને પીવાના શોખીનો ખૂબ છે અને તેના કારણે આ સલાહ પર લોકો પરેશાન થયા છે, ઘણા બધા લોકો કહી રહ્યા છે આટલા બધા દિવસ સુધી નશો કરવા માટે પીધા વગર રહી ન શકાય. પ્રતિ વ્યક્તિ શરાબ પીવાના મામલે રશિયા દુનિયામાં ચોથો ઉપભોક્તા દેશ છે. રશિયામાં આવનાર દિવસોમાં ન્યૂયર અને ક્રિસમસની ઉજવણી કરવામાં આવશે ત્યારે આ સેલિબ્રેશનમાં ધૂમ દારૂ પીવાય તેવી શક્યતા છે.