ઓફર પડશે મોંઘી! / એક ફિક્સ થાળી પર 2 ફિક્સ થાળીની ઓફર જોઈને મંગાવતા નહીં, 63 હજારમાં પડશે, જુઓ કોને લાગ્યો ચૂનો

• કંઇ રીતે છેતરપિંડી થઇ રહી છે?
• ગુજરાતના જાણીતા રેસ્ટોરન્ટના નામે છેતરપિંડી
• કોલસેન્ટરથી થઇ રહ્યું છે કૌભાંડ 

જો તમને પણ ઓનલાઈન ઓર્ડર કરીને ફૂટ મગાવવાની આદત હોય તો, આ કહાની પહેલા વાંચી લેજો. અમદાવાદમાં કેટલીક સાઈટ પર માત્ર લોભામણી યોજનાઓ ચાલી રહી છે. તમને એક ફિક્સ થાળીના બદલામાં 2 ફિક્સ થાળી આપવાના વાયદાઓ મળે તો ચેતી જજો. અમદાવાદ સાયબર ક્રાઈમમાં આ પ્રકારનો જ એક કેસ નોંધાયો છે. એક મહિલાએ આ અંગે ફરિયાદ નોંધાવી છે. જેમાં મહિલાના ખાતામાંથી 63 હજાર રૂપિયાની રકમ ઉપડી ગઈ છે.

ગુજરાતમાં મીની કોલસેન્ટર કૌભાંડને લઇ મોટા ખુલાસા

ગુજરાતની અલગ-અલગ રેસ્ટોરન્ટના નામે પૈસા પડાવાનો કારશો ચાલી રહ્યો છે.  સોશિયલ મીડિયામાં એક ફિક્સ થાળી સાથે 2 થાળી ફ્રીની લાલચ આપે છે. જો તમે સ્કીમ એપ્લાય કરો તો, OTP મેસેજ આવ્યા બાદ તમારા ખાતામાંથી રૂપિયા કપાય જાય છે. જે બાદ તમારા ઓર્ડરનું કોઈ રિપ્લાય આવતો નથી. અને લોકોને ઓર્ડર પણ મળતો નથી.

આ રીતે અમદાવાદીઓ સાથે લાખો રૂપિયાની છેતરપીંડિ થઈ રહી છે. સોશિયલ મીડિયા પર ડમી પેજ બનાવીને છેતરપીંડિઓ ચાલી રહી છે. જેને લઈ સાયબર સેલ અને વસ્ત્રાપુર પોલીસ સ્ટેશનમાં ફરિયાદ નોંધાઈ છે.