ચેતી જજો / ભોજનમાં ઉપરથી મીઠું નાંખીને ખાવાની ટેવ હોય તો આજે જ છોડી દો, નહી તો થઇ શકે છે આ બીમારી

• મીઠા વગરનું ભોજન મોળુ
• ભોજનમાં મીઠાનું પ્રમાણ યોગ્ય હોવુ જરુરી
• ઉપરથી મીઠુ નાંખીને ભોજન લેવુુ હાનિકારક

ભોજનમાં મરચુ ન હોય તો ચાલે પરંતુ જો મીઠું જ નાખ્યુ ન હોય તો, જમવાનું મોઢામાં પણ ન જાય. આપણા શરીરમાં મીઠું જાય તે જરુરી છે. હૃદય, લીવર જેવા અંગોને સુચારુ રુપે સંચાલન કરવા મીઠુ જરુરી છે. મીઠામાંથી આપણા શરીરને આયોડીન મળી રહે છે. પરંતુ મીઠુ ખાવાની પણ માત્રા હોય. જરુર કરતા વધારે મીઠુ શરીરને નુકસાન પહોંચાડે છે.  તેમાં પણ જ્યારે  ભોજન બની ગયા પછી ઉપરથી મીઠુ નાંખવુ એ ઝેર સમાન છે.  ભોજનમાં ઉપરથી જેને મીઠુ લેવાની ટેવ હોય તે લોકો આજે જ છોડી દે. જાણીએ શું છે તેનુ નુકસાન

હૃદય માટે જોખમી

WHO ના રિપોર્ટ અનુસાર, ખોરાકમાં વધુ માત્રામાં મીઠું લેવું એ હૃદય માટે મોટું જોખમ છે. વધુ પડતું મીઠું ખાવાથી હૃદયની બીમારીઓનું જોખમ વધી જાય છે. આનાથી માત્ર હૃદય નબળું પડી શકે છે, પરંતુ હાર્ટ એટેક પણ આવી શકે છે.

હાયપરટેન્શનની સમસ્યા

ઉપરથી મીઠું છાંટીને રાંધેલો ખોરાક ખાવાથી ઘણી બીમારીઓનો ખતરો વધી જાય છે, રાંધેલો ખોરાકમાં જે મીઠું નાંખવામાં આવે છે તેમાં રહેલુ આયર્ન સરળતાથી પચી જાય છે જ્યારે  ઉપરથી નાંખેલુ કાચું મીઠું પચવામાં સરળ રહેતુ નથી. પરિણામે શરીર પર પ્રેશર આવે છે જેથી  હાઈપરટેન્શન એટલે કે બ્લડપ્રેશરનું જોખમ વધી જાય છે.

સ્ટ્રોકનું જોખમ

આજકાલ આપણે જંક ફૂડ અને રેડી ટુ ઈટ ફૂડ પર વધુ નિર્ભર છીએ, જેમાં મીઠાનું પ્રમાણ વધુ હોય છે. આવા ખોરાકનું સેવન કરવાથી સ્ટ્રોક જેવા ગંભીર રોગનું જોખમ વધી શકે છે.

કિડનીની સમસ્યા

વધુ મીઠું ખાવાથી શરીરમાંથી પેશાબ અને પરસેવાના રૂપમાં પાણી ઝડપથી બહાર આવવા લાગે છે. જેના કારણે કિડનીને વધુ મહેનત કરવી પડે છે અને કિડનીની સમસ્યા થાય છે.

હાડકાંની નબળાઈ

વધુ મીઠું ખાવાથી તે મીઠું ધીમે ધીમે આપણા હાડકામાં રહેલા કેલ્શિયમને ઓછું કરે છે, જેના કારણે સમય જતાં આપણા હાડકાં નબળા થવા લાગે છે અને ઓસ્ટીયોપોરોસીસ જેવી ગંભીર બીમારી થવાની શક્યતાઓ વધે છે.

દૈનિક કેટલું મીઠું ખાવુ જોઇએ

WHO અનુસાર, ગંભીર રોગોથી બચવા માટે આપણા દૈનિક આહારમાં માત્ર 5 ગ્રામ મીઠું પૂરતું છે. ખોરાકમાં મીઠાનું પ્રમાણ  ઓછું રાખો. જો તમે તમારા  ડાઈનિંગ ટેબલ પર મીઠાની ડબ્બી મુકી રાખી હોય તો તેને હટાવી દો.  ભોજનમાં ઉપરથી ક્યારેક મીઠુ ન લેશો