જો તમે હજુ સુધી PAN અને Aadhaarને લિંક નથી કરાવ્યું તો જલ્દી કરો, નહીં તો સરકારના નિયમો અનુસાર આ તારીખ પછી પાન આધાર લિંક નહી કરવામાં આવે તો તમારું PAN અમાન્ય થઈ જશે.
PAN ને આધાર સાથે લિંક નહીં કરો તો નિષ્ક્રિય થઈ જશે
31 માર્ચ સુધીમાં આધાર સાથે લિંક કરો
બજેટમાં PAN ને ઓળખકાર્ડ તરીકે માન્ય રાખવાની જાહેરાત કરવામાં આવી
સરકારે પાન (PAN) ને આધાર (Aadhaar)સાથે લિંક કરવાનું ફરજિયાત કર્યું છે. જેના માટે 31 માર્ચ, 2023 સુધીનો સમય નક્કિ કરવામાં આવ્યો છે. કુલ 61 કરોડ પાન કાર્ડમાંથી 48 કરોડ પાન આધાર સાથે લિંક કરવામાં આવ્યા છે અને 31 માર્ચ સુધીમાં પાન આધાર લિંક નહી કરવામાં આવે તો તે લોકોને વેપાર અને ટેક્સ સંબંધી ગતિવિધિઓનો લાભ નહી મળે.
સેન્ટ્રલ બોર્ડ ઓફ ડાયરેક્ટ ટેક્સ (CBDT) ના અધ્યક્ષ નિતિન ગુપ્તાએ રવિવારે જણાવ્યું હતું કે હજુ સુધી કરોડો PAN ને આધાર સાથે લિંક કરવામાં આવ્યા નથી. જે 31 માર્ચ સુધીની સમયમર્યાદામાં લિકં થવાની અપેક્ષા છે.
PAN લિંક નહીં હોય તો નિષ્ક્રિય થઈ જશે
31 માર્ચ, 2023 સુધીમાં આધાર સાથે પાન લિંક કરવામાં નહી આવે તો PAN આ તારીખ એટલે કે 31 માર્ચ પછી નિષ્ક્રિય જાહેર કરવામાં આવશે. આ સાથે સરકારે કહ્યું છે કે વર્તમાન સમયથી 31 માર્ચ સુધી PAN ને આધાર સાથે લિંક કરવા માટે 1000 રૂપિયાની ફી ચૂકવવી પડશે.
સીબીડીટીના અધ્યક્ષે કહ્યું, પાન કાર્ડને આધાર કાર્ડ સાથે લિંક કરવા માટે અનેક જાગૃતિ અભિયાન ચલાવવામાં આવ્યા અને આ સમયમર્યાદામાં પણ ઘણી વખત વધારો કરવામાં આવ્યો છે. જો આધારને નિર્ધારિત સમય સુધીમાં PAN સાથે લિંક કરવામાં નહીં આવે, તો તે વ્યક્તિને ટેક્સના લાભ મેળવી શકશે નહીં કારણ કે તેનું PAN માર્ચ પછી નિષ્ક્રિય થઈ જશે.
સીબીડીટીએ ગયા વર્ષે જારી કરેલા પરિપત્રમાં સ્પષ્ટ કર્યું છે કે એકવાર PAN નિષ્ક્રિય થઈ જાય, તો તે વ્યક્તિએ ઈન્કમટેક્સ કાયદા હેઠળ નિર્ધારિત તમામ પરિણામોનો સામનો કરવો પડશે. જેમાં ઈનકમટેક્સ રિટર્ન ફાઇલ ન કરવા અને પેન્ડિંગ રિટર્ન ન કરવા જેવી સ્થિતિ સામેલ છે.
આ સાથે જ તેમણે કહ્યું કે PAN ને એક સામાન્ય ઓળખ બનાવવા માટે બજેટમાં જાહેરાત કરવામાં આવી તે ખૂબ જ ફાયદાકારક રહેશે. નાણાંમંત્રી નિર્મલા સીતારમણે બજેટમાં જાહેરાત કરી છે કે પાન સામાન્ય ઓળખકાર્ડ તરીકે માન્ય ગણાશે.
પાનને આધાર સાથે કેવી રીતે જોડવું
- આવકવેરાની સત્તાવાર વેબસાઇટ www.incometax.gov.in લોગ ઇન કરો
- ક્વિક લિંક્સ વિભાગમાં જાઓ અને લિંક આધાર પર ક્લિક કરો
- તમારી સ્ક્રીન પર નવી વિન્ડો ખુલશે
- અહીં તમારો પાન નંબર, આધાર નંબર અને મોબાઇલ નંબર ભરો
- 'I validate my Aadhar details' નો વિકલ્પ પસંદ કરો
- તમને તમારા રજીસ્ટર્ડ મોબાઇલ નંબર પર ઓટીપી મળશે. તેને દાખલ કરો અને પછી 'Validate' પર ક્લિક કરો
- દંડ ભર્યા બાદ તમારું પાન અને આધાર લિંક થઇ જશે
કેવી રીતે ભરવો દંડ
- પાન-આધાર લિંક માટે આ પોર્ટલ પર જાઓ https://onlineservices.tin.egov-nsdl.com/etaxnew/tdsnontds.jsp
- પાન-આધાર લીકિંગની વિનંતી માટે CHALLAN NO./ITNS 280 પર ક્લિક કરો અને Tax Applicable પસંદ કરો
- નેટબેન્કિંગ અથવા ડેબિટ કાર્ડથી ચુકવણીની પદ્ધતિ પસંદ કરો
- તમારો પાન નંબર દાખલ કરો અને એસેસમેન્ટ વર્ષ પસંદ કરો, પછી સરનામું દાખલ કરો
- છેલ્લે કેપ્ચા ભરો અનેProceed પર ક્લિક કરો