અમદાવાદમાં રિક્ષામાં બેઠેલી રૂપવાન યુવતીને જોઈને ભરમાય ન જતાં વાસણા પોલીસે આવી જ એક ગેંગ પકડી પાડી છે. જેમાં દેખાવડી યુવતીઓ રીક્ષામાં બેસાડીને મુસાફરો પાસેથી ચલાવે છે.
કોરોનાકાળ બાદ ઘણાં લોકો આર્થિક રીતે પાયમાલ થઇ ગયા છે. જેના કારણે લોકો શોર્ટકટથી રૂપિયા કમાવવા માટે ગુનાખોરીની દુનિયામાં પગ માંડી ગુનાની રાહે ચાલી રહ્યાં છે.ત્યારે આવી જ એક નવી મોડસ ઓપરેન્ડી અમદાવાદ શહેરમાં જોવા મળી છે. જેમાં રિક્ષામાં સ્વરૂપવાન યુવતીને પેસેન્જર તરીકે બેસાડીને લોકો લૂંટી લેવાનો ગુનાહ આચરાતો હતો.આમ ખરેખર લોકોએ રિક્ષામાં બેસતા પહેલા ખરેખર ચેતવાની જરૂર છે.
આ ટોળકીએ 33 લોકોને પોતાનો શિકાર બનાવ્યાં
સામાન્ય રીતે દેખાવડી યુવતીને જોઇને જ કેટલાક પુરુષો મોહિત થઇ જતા હોય છે. અને એજ કમજોરીનો ફાયદો વાસણા પોલીસે પકડેલી આ ગેંગ ઉઠાવતી હતી
વાસણા પોલીસે એક યુવતી સહિત પાંચ શખ્સોની ધરપકડ કરી છે. જે પુરુષોને લૂંટી લેતાં હતાં. આ ટોળકીઓએ ગાંધીનગર અને અમદાવાદ સહિત અત્યાર સુધીમાં તેમણે કુલ 33 લોકોને પોતાનો શિકાર બનાવ્યા હતા.
શું હતી મોડસ ઓપરેન્ડી
આરોપી સાહિલ રિક્ષાચાલક છે તેની રિક્ષામાં પ્રિયંકા ઘણા સમયથી પેસેન્જર તરીકે જતી હતી. જેથી બંને વચ્ચે વધુ સંબંધ કેળવાઈ ગયા હતા. યુવતીની સગીર મિત્ર અને રિક્ષાચાલકનો મિત્ર એમ પાંચેય લોકોએ મળીને લૂંટ કરવાનું નક્કી કર્યું હતું. આ રીતે પ્રથમ સફળ લૂંટ બાદ તેમને આ ધંધો ફાવી ગયો હતો. આ ગેંગે લોકોને પોતાના શિકાર બનાવવાનું શરૂ કર્યું હતું. પોલીસ સૂત્રોનાં જણાવ્યા અનુસાર અસંખ્ય ગુનાઓ એવા છે. જે પોલીસ ચોપડે નોંધાયા નથી. લોકો પોતાની ઇજ્જત બચાવવા માટે તેમજ લૂંટની રકમ ઓછી હોવાના કારણે પોલીસ ફરિયાદ કરવાનું ટાળી રહ્યા છે. આ ગેંગે અત્યાર સુધીમાં કુલ 33 ગુના સિવાય પણ સંખ્યાબંધ ગુનાઓને અંજામ આપ્યો હોય તેવું પોલીસનું માનવું છે.
હનીટ્રેપનો પણ શિકાર બનાવી શકે છે
અમદાવાદમાં હાલ હનીટ્રેપના કિસ્સાઓ વધી રહ્યા છે. પૂર્વ મહિલા પોલીસ સ્ટેશનના પીઆઇ ગીતા પઠાણ, પીએસઆઇ બ્રહ્મભટ્ટ સહિતના લોકો હનીટ્રેપમાં કાંડમાં ફસાયા હતાં. ત્યારે બીજા પણ અનેક કિસ્સાઓ હનીટ્રેપમાં શહેરના અલગ-અલગ પોલીસ સ્ટેશનમાં નોંધાયા છે. રિક્ષામાં જો કોઈ સુંદર યુવતી પેસેન્જર તરીકે બેઠી હોય અને ગંદા ઇશારા કરીને મોહિત કરી દે તો ચેતી જજો. તે યુવતી હનીટ્રેપમાં પણ ફસાવી શકે છે.
રિક્ષામાં ચાલે છે કોલગર્લનું નેટવર્ક
કાંકરિયા પાસે છેલ્લાં ઘણાં વર્ષોથી રિક્ષામાં કોલગર્લનું નેટવર્ક ચાલી રહ્યું છે. કાંકરિયા પાસે ઊભા રહો ત્યારે રિક્ષામાં રૂપલલના આવે છે. અને ત્યારબાદ હોટલમાં લઇ જાય છે. વર્ષોથી કોલગર્લનું આ નેટવર્ક ચાલે છે. પરંતુ તેમાં કેટલીક કોલગર્લ લૂંટારું હોય છે. જે ગ્રાહકને રૂમમાં લઇ જઇને લૂંટી લેતી હોય છે.