સ્ટ્રોંગ રુમની આજુબાજુ દૂરબીન વડે કરવા લાગ્યા વોટિંગ મશીનની ચોકી
ઈવીએમની ચોકી માટે 8-8 કલાકની પાળી ગોઠવી રાખી છે
દિમાગમાં શંકાનું બીજ રોપાઈ જાય પછી કોઈની પર પણ વિશ્વાસ કરવાનો મુશ્કેલ થઈ પડતો હોય છે. નેતાઓમાં તો વહેમનો કીડો વધારે પડતો સરકતો હોય છે. સાચી વાતને જુઠી પાડી દેવી તેમનો સ્વભાવ હોય છે. ચૂંટણીની સિઝનમાં એક પછી એક શંકા મનને પકડી લેતી હોય છે. વોટિંગ મશીન (EVM) સાથે છેડછાડનો શક તો દરેક નેતાને થતો હોય છે અને પરિણામે પહેલા કોઈને કોઈ નેતા આવો દાવો કરી નાખતા હોય છે.
#WATCH | Samajwadi Party candidate from Hastinapur constituency in Meerut district, Yogesh Verma keeps an eye on EVM strong room with binoculars to prevent mishandling pic.twitter.com/0eB8FO4vQO
દૂરબીનથી EVMની ચોકી કરવા લાગ્યા સપાના ઉમેદવાર
પરંતુ અખિલેશની સમાજવાદી પાર્ટીના એક ઉમેદવારે EVMની ચોકી કરવા માટે જબરો જુગાડ શોધી કાઢ્યો. યુપીની હસ્તીનાપુર બેઠકના સમાજવાદી પાર્ટીના ઉમેદવાર યોગેશ વર્માને ચૂંટણી પરિણામ પહેલા મોટા ગોટાળાની શંકા પડતા તેઓ સ્ટ્રોંગ રુમથી થોડે દૂર ગાડીમાં બેસીને દૂરબીનથી EVMની ચોકી કરવા લાગ્યા છે.
સપા કાર્યકરોને વારાફરતી ચોકી માટે બોલાવાય છે
સપા નેતા યોગેશ વર્માએ કહ્યું કે સ્ટ્રોંગ રુમની પાસે સપા કાર્યકરોની એક ટૂકડી હાજર રહેતી હોય છે. 8-8 કલાકની શિફ્ટ ગોઠવાતી હોય છે અને તે દ્વારા સતત ઈવીએમની ચોકી કરવામાં આવી રહી છે.
દૂરબીનથી શું જુએ છે
વર્માએ કહ્યું કે અમે દૂરબીનથી જોઈ રહ્યાં છે અહીં કોઈ પ્રકારની ઘાલમેલ તો નથી થતીને.
સપા નેતા યોગેશ વર્માએ શું કહ્યું જાણો
સપા ઉમેદવાર યોગેશ વર્માએ કહ્યું કે અહીં ઈવીએમ રાખવામાં આવ્યાં છે અને દૂરબીન દ્વારા આજુબાજુના વિસ્તારો પર બાજ નજર રાખવામાં આવી રહી છે. તેમણે કહ્યું કે સ્ટ્રોંગ રુમની આજુબાજુના વિસ્તારોની ચોકી કરવા માટે અલગથી ટીમ બનાવાઈ છે.