સોશિયલ મીડિયામાં છેતરપિંડીની ઘટનાઓ દિવસેને દિવસે વધી રહી છે.જેમાં ભેજાબાજોએ ફેસબુક પર લોનની જાહેરાત મુકી છેતરપિંડી આચરી હતી.
મહેસાણામાં સોશિયલ મીડિયાના માધ્યમથી છેતરપિંડી
લોન અપાવવાના બહાને GST બિલિંગના ઓવર ટ્રાંજેક્શન કર્યા
ભોગ બનનાર યુવકે સાયબર ક્રાઇમમાં ફરિયાદ નોંધાઇ
મહેસાણામાં સોશિયલ મીડિયાના માધ્યમથી છેતરપિંડી
સોશિયલ મીડિયામાં છેતરપિંડીની ઘટનાઓ દિવસેને દિવસે વધી રહી છે. ઓનલાઇન ઠગાઈની ઘટના મહેસાણાના ભાન્ડુ ગામના પાર્થ પટેલ નામના સાથે બનવા પામી છે. જેમાં ફેસબુક પર લોનની જાહેરાત મુકી છેતરપિંડી આચરવામાં આવી છે. જેમાં ભેજાબાજોએ લોન અપાવવાના બહાને પાર્થ પાસેથી ડોક્યુમેન્ટ મેળવ્યા હતાં.
સાયબર ક્રાઇમ પોલીસ સ્ટેશનમાં નોંધાઈ ફરિયાદ
બાદમાં યુવક પાસેથી GST એકાઉન્ટ ખોલાવી યુઝર પાસવર્ડ મેળવી લીધો હતો. ત્યારબાદ ભેજાબાજોએ તે જ GST નંબર પર 4 કરોડના 18 ટકા GST બિલિંગના ઓવર ટ્રાંજેક્શન કર્યા હતાં. આ વાતની જાણ જ્યારે પાર્થ પટેલને થતાં તેઓએ તુરંત સાયબર ક્રાઇમમાં ફરિયાદ નોંધાવી હતી.