મોટા નુકસાનથી બચવા માટે આ કામ પહેલા પતાવી દો, નહી તો મસમોટો દંડ ચૂકવવા રહેવુ પડશે તૈયાર
31માર્ચ,2022 પહેલા પતાવી દો આ કામ
નહી તો થઇ શકે છે મોટું કામ
PAN, AADHAR કાર્ડ સંબંધિત કામ કરો પૂર્ણ
નાણાકીય વર્ષ 2021-22 પૂર્ણ થવા આવ્યું છે. 31 માર્ચને હવે ગણતરીના જ દિવસો બાકી છે. તે પહેલા એવા કેટલાક કામો છે જે પૂર્ણ કરવા ખૂબ જ જરૂરી છે. જો તમે આ કામ 31 માર્ચ સુધીમાં પૂર્ણ નહીં કરો તો નવા નાણાકીય વર્ષમાં તમારે મુશ્કેલીનો સામનો કરવો પડી શકે છે. આજે અમે તમને એવા જ 5 મહત્વના કામ જણાવવા જઈ રહ્યા છીએ, જે 31 માર્ચ સુધીમાં પૂર્ણ થવા જોઈએ.
PANને આધારકાર્ડ સાથે કરો લિંક
PAN ને આધાર સાથે લિંક કરવાની છેલ્લી તારીખ 31 માર્ચ, 2022 છે. જો PAN કાર્ડ ધારક ત્યાં સુધીમાં તેને લિંક નહીં કરે તો PAN કાર્ડ અમાન્ય થઈ જશે. બેંક ખાતા ખોલવા, શેર અથવા મ્યુચ્યુઅલ ફંડ ખરીદવા વગેરે માટે PAN ફરજિયાત છે. ઉપરાંત, મોટાભાગની નાણાકીય સંસ્થાઓ ગ્રાહકોને KYC માટે તેમના PAN માટે પૂછે છે. સમયમર્યાદા પહેલા બે દસ્તાવેજોને લિંક કરવામાં નિષ્ફળતા પર આવકવેરા કાયદાની કલમ 272B હેઠળ રૂ. 10,000નો દંડ પણ થઈ શકે છે.
ઈન્કમ ટેક્સ રિટર્ન ફાઇલ કરો
જો તમે હજુ સુધી આકારણી વર્ષ 2021-22 માટે ઈન્કમ ટેક્સ રિટર્ન (ITR) ફાઈલ કર્યું નથી, તો તમારે તેને 31 માર્ચ 2022 સુધીમાં ભરવું પડશે. આ તારીખ સુધી સુધારેલ ITR પણ ફાઇલ કરી શકાય છે. જો આવકવેરા રિટર્નમાં કોઈ સુધારો હોય તો પણ 31 માર્ચ છેલ્લી તારીખ છે. આ પછી તમારે ભારે દંડ ભરવો પડશે.
KYC અપડેટ કરો
બેંક એકાઉન્ટ KYC અપડેટ કરવાની છેલ્લી તારીખ 31 માર્ચ 2021 હતી, પરંતુ કોરોનાને કારણે આ તારીખ લંબાવવામાં આવી હતી. RBI દ્વારા KYC અપડેટ કરવાની છેલ્લી તારીખ 31 માર્ચ 2022 છે. 31મી માર્ચ સુધીમાં બેંક ખાતા એટલે કે બચત ખાતા માટે KYC કરાવો.
આવકવેરાનો મેળવો લાભ
નાણાંકીય વર્ષ 2021-22 માટે આવકવેરામાં છૂટ મેળવવા માટે, 31 માર્ચ સુધીમાં રોકાણ કરો. મતલબ, ટેક્સ સેવિંગ સ્કીમ્સમાં રોકાણ કરો, જેમાંથી તમે ટેક્સમાં છૂટ મેળવી શકો છો. તેમાં PPF, સુકન્યા સમૃદ્ધિ જેવી નાની બચત યોજનાઓનો સમાવેશ થાય છે. ઉપરાંત, તમે LIC ના હપ્તા ભરીને ટેક્સ બચાવી શકો છો. આ સિવાય અન્ય આવકવેરા લાભો લેવા માટે પણ 31 માર્ચ છેલ્લી તારીખ છે.
પ્રધાનમંત્રી આવાસ યોજનાનો લાભ લેવા
પ્રધાનમંત્રી આવાસ યોજના (PMAY) એ એક સરકારી યોજના છે, જે ઓછી આવક જૂથ (LIG) / આર્થિક રીતે નબળા વિભાગ (EWS) વિસ્તારોને પોસાય તેવા આવાસ પૂરા પાડે છે. લાભાર્થીઓ 6.5% p.a પર 20 વર્ષની લોન મેળવી શકે છે. LIG અને EWS કેટેગરીઝ માટે PMAY ક્રેડિટ-લિંક્ડ સબસિડી સ્કીમ (CLSS) મેળવવાની છેલ્લી તારીખ 31 માર્ચ, 2022 છે.