નિયમ / રામ મંદિર નિર્માણમાં દાન આપવા ઈચ્છો છો, તો કરો તૈયારી, સરકારે ટેક્સના નિયમમાં કર્યો ફેરફાર

• રામ મંદિરમાં દાન કરનારા માટે સારા સમાચાર
• અયોધ્યાના રામ મંદિરમાં કરો દાન
• ઈનકમ ટેક્સમાં મળશે મોટી રાહત

ઉલ્લેખનીય છે કે મંદિર નિર્માણ માટે શ્રીરામ જન્મભૂમિ તીર્થ ક્ષેત્ર ટ્રસ્ટ બનાવાયું છે અને ટ્રસ્ટની મદદથી તમામ દાન લેવાઈ રહ્યા છે. નાણાંકીય વર્શ 2020-21માટે સરકારે અહીં ડોનેશન આપનારાને ટેક્સમાંથી છૂટ આપવાનું નક્કી કર્યું છે. 

મળશે આટલી છૂટ

આ ટ્રસ્ટમાં દાન કરનારાને માટે 50 ટકા સુધીનું ટેક્સ ડિડક્શન આપવામાં આવશે. ટ્રસ્ટની આવકને પહેલાંથી જ ઈનકમ ટેક્સ એક્ટના સેક્શન 11 અને 12ના આધારે છૂટ આપવામાં આવી છે. આ છૂટ અન્ય નક્કી ધાર્મિક ટ્રસ્ટોના જેવી જ છે. 

દાન આપનારા માટે રહેશે આ નિયમ

દાન આપનારા માટે વ્યક્તિએ રસીદ લેવી ફરજિયાત રહેશે. આ રસીદમાં ટ્રસ્ટનું નામ, સરનામું, પાન નંબર, દાન આપનારનું નામ, દાનની રકમ હોવી જરૂરી છે. નાણામંત્રાલય અનુસાર આ નિયમ ઈનકમ ટેક્સ નિયમ 1961ની કલમ 80 જીના આધારે અપાશે. 

આ નિયમમાં કોઈ પણ વ્યક્તિ, એચયૂએફ કે કંપની કોઈ ફંડ કે ચેરિટેબલ સંસ્થાને આપવામાં આવેલા દાન પર ટેક્સ છૂટ લઈ શકે છે. દાન કરવામાં શરતોનું ધ્યાન રાખવાનું રહેશે. આ યોગદાન ચેક, કેશ બંને રીતે કરી શકાશે.