રમુજી અંદાજ / એલન મસ્કને કહેવું શું! ટ્રમ્પ પ્રેસિડન્ટ બન્યાં તો ટોઈલેટ ટબ લઈને વ્હાઈટ હાઉસ ગયાં

અમેરિકામાં ચૂંટણીમાં ડોનાલ્ડ ટ્રમ્પે ધૂમ મચાવી દીધી છે. ટ્રમ્પ ફરી અમેરિકાના બોસ બનવા જઈ રહ્યા છે. તેમને 277 ઈલેક્ટોરલ વોટ મળ્યા છે. વિજય પછી ટ્રમ્પના સમર્થક અને વિશ્વના સૌથી ધનિક વ્યક્તિ એલોન મસ્કે એક તસવીર શેર કરી. તસ્વીરમાં દેખાઈ રહ્યું છે કે તે વ્હાઇટ હાઉસની ઓવલ ઓફિસમાં ટોઈલેટ સીટ લઈને જઈ રહ્યા છે, આ એક એડિટ કરેલી તસવીર છે. આ ફોટો સોશિયલ મીડિયા પર ખૂબ જ વાયરલ થઈ રહ્યો છે. તેણે કેપ્શનમાં લખ્યું, આ તસવીર તે સમયની છે જ્યારે મસ્ક ટ્વિટર સંભાળ્યા બાદ હેડક્વાર્ટરમાં ટહેલતા હતા. ટેસ્લાના CEO લોકો સુધી તેમનો સંદેશ પહોંચાડવા માટે અનન્ય અને રસપ્રદ રીતો અપનાવે છે. મસ્કની પોસ્ટને 45 મિલિયનથી વધુ લોકોએ જોઈ છે. હજારો લોકોએ કોમેન્ટ કરી છે. તમને જણાવી દઈએ કે, જુલાઈમાં ટ્રમ્પને સમર્થન આપ્યા બાદ મસ્કે ટ્રમ્પના અભિયાનમાં $119 મિલિયનથી વધુનું દાન કર્યું છે.

ટ્રમ્પે ચૂંટણી બાદ રાષ્ટ્રને સંબોધન કર્યું હતું

ચૂંટણીમાં જોરદાર જીત મેળવ્યા બાદ ડોનાલ્ડ ટ્રમ્પે રાષ્ટ્રને સંબોધન કર્યું હતું. તેમણે મતદારોનો આભાર માન્યો હતો. તેણે કહ્યું કે હું તમારા ભવિષ્ય અને તમારા પરિવાર માટે લડીશ. અમને સ્વિંગ રાજ્યના મતદારોનું સમર્થન પણ મળ્યું. અમેરિકાના આગામી ચાર વર્ષ સોનેરી બનવાના છે. જનતાએ અમને મજબૂત જનાદેશ આપ્યો છે. તમને જણાવી દઈએ કે, અમેરિકાના સૌથી મોટા સ્વિંગ સ્ટેટ તરીકે પ્રખ્યાત પેન્સિલવેનિયામાં પણ ડોનાલ્ડ ટ્રમ્પે જીત મેળવી છે. શરૂઆતથી જ તમામ સાત સ્વિંગ સ્ટેટ્સમાં ટ્રમ્પની લીડ હતી.

વધુ વાંચો : ટ્રમ્પની જીતથી ભારત-અમેરિકા વચ્ચે વ્યૂહાત્મક ભાગીદારી વધશે, ચીન ચિંતામાં મૂકાયું

ખાસ વાત એ છે કે ડોનાલ્ડ ટ્રમ્પ અમેરિકાના સૌથી અમીર નેતા છે. ટ્રમ્પની કુલ સંપત્તિ $6.6 બિલિયન અને $7.7 બિલિયનની વચ્ચે હોવાનું કહેવાય છે. ફોર્બ્સની યાદી અનુસાર, અમેરિકાના નવા રાષ્ટ્રપતિ ટ્રમ્પ પાસે 6.6 બિલિયન ડોલરથી વધુની સંપત્તિ છે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ