નમસ્તે ટ્રમ્પ / USની ફર્સ્ટ લેડી બની તે પહેલાં જાણો ડોનાલ્ડ ટ્રમ્પની પત્ની મેલેનિયા શું કરતી હતી

• એક પાર્ટીમાં મળ્યા હતા મેલાનિયા ટ્રમ્પને
• જ્યારે ટ્રમ્પને મેલાનિયા મળ્યા ત્યારે તેઓ પરણિત હતા
• ટ્રમ્પ ત્યારે રાજકારણમાં નહોતા જ્યારે મેલાનિયાને મળ્યા હતા

તેણે 16 વર્ષની ઉંમરે મોડલિંગ શરુ કર્યુ હતું

એક નાનકડા દેશના મોડલ તરીકે પોતાની કારકિર્દી શરુ કરીને અમેરિકાની ફર્સ્ટ લેડી તરીકેની મેલાનિયાની સફર ઘણી રસપ્રદ રહી છે. લોકોએ ડોનાલ્ડ ટ્રમ્પ વિશે ઘણુ સાંભળ્યું છે અને જાળ્યું છે. પરંતુ મેલાનિયા વિશે ઘણા ઓછા લોકો જાણે છે. મેલાનિયા ડોનાલ્ડ ટ્રમ્પની ત્રીજી પત્ની છે. મેલાનિયાની તસ્વીરો સોશિયલ મીડિયા પર ખૂબ વાયરલ થતી રહી છે. મેલાનિયાનો જન્મ 1970માં સ્લોવેનિયામાં થયો હતો. મેલાનિયા સ્લોવેનિયાઈ મોડલ રહી ચુકી છે. તેણે 16 વર્ષની ઉંમરે મોડલિંગ શરુ કર્યુ હતું.

કેવી રીતે ટ્રમ્પ સાથે મુલાકાત થઈ

1998માં ડોનાલ્ડ ટ્રમ્પને મેલાનિયા ન્યૂયોર્કના એક ફેશન વીક પાર્ટી દરમિયાન મળી હતી. ટ્રમ્પ ત્યારે રાજકારણમાં નહોતા અને રિયલ એસ્ટેટ મુગલ તરીકે ઓળખાતા હતા. ફેશન વીક દરમિયાન ટાઈમ્સ સ્કેયરના કિટ કૈટ ક્લબમાં પાર્ટી પણ હતી અહીં ટ્રમ્પની નજર મેલાનિયા પર પડી હતી.

ડોનાલ્ડ ટ્રમ્પ જ્યારે મેલાનિયાને મળ્યા ત્યારે તે પરણીત હતા. તેની બીજી પત્ની મેપલ સાથે તેમના છુટાછેડા થવાના હતા.  તે વખતે ડોનાલ્ડ ટ્રમ્પ 52 વર્ષના હતા અને મેલાનિયા 28 વર્ષની હતી.  અહીં બન્ને વચ્ચે ફોન નંબરની આપ- લે થઈ હતી.  મુલાકાતની એક જ અઠવાડિયામાં પહેલી ડેટ બન્ને કરી ચુક્યા હતા. તેમનો રોમાન્સ અમેરિકામાં ચર્ચાનો વિષય બન્યું હતું.

5 વર્ષ સાથે રહ્યા બાદ લગ્ન કર્યા હતા

ટ્રમ્પ અને મેલાનિયા 5 વર્ષ સુધી રિલેશનશીપમાં રહ્યા બાદ લગ્ન કર્યા હતા. 2004માં સગાઈ કરી 2005માં લગ્ન. સગાઈ પછી ટ્રમ્પે કહ્યું હતું કે તેની સફળતામાં મેલાનિયાનો હાથ છે. ટ્રમ્પે મેલાનિયાને 1.5 મિલિયન ડૉલરની ડાયમંડ રિંગ પહેરાવીને લગ્નનો પ્રસ્તાવ મુક્યો હતો. તેમના લગ્નમાં બિલ ગેટ્સ અને હિલેરી ક્લિંટન પણ હાજર રહ્યાં હતા. વર્ષ 2006માં મેલાનિયા અમેરિકાના નાગરિક બન્યા હતા.

ન્યૂ યોર્ક પોસ્ટમાં તેમના ફોટા છપાયા ત્યારે ...

જ્યારે ન્યૂ યોર્ક પોસ્ટમાં તેમના ફોટા છપાયા ત્યારે મેલાનિયા ખૂબ સમાચારમાં હતા. તે સમયે ટ્રમ્પના બાળકો ઈવાંકા અને ડોનાલ્ડ જૂનિયર નાના હતા. એક ઈન્ટરવ્યૂહમાં મેલાનિયાએ કહ્યું હતું કે તે ઈવાંકાની મા નહી પણ મિત્ર માને છે. મેલાનિયા અને ડોનાલ્ડ ટ્રમ્પના દિકરાનું નામ બૈરન ટ્રમ્પ છે. 

મેલાનિયા ગુગલમાં સૌથી વધારે સર્ચ થાય છે

વર્ષ 2016માં ટ્રમ્પે અમેરિકાના 45માં રાષ્ટ્રપતિ બન્યા અને મેલાનિયા અમેરિકાના પ્રથમ મહિલા બન્યા. ટ્રમ્પે સત્તા સંભાળ્યા બાદ અત્યાર સુધી 23 દેશોનો પ્રવાસ કરી ચુક્યા છે. ભારત , દ. એશિયા બીજો દેશ છે. જેના પ્રવાસે રાષ્ટ્રપતિ ટ્રમ્પ અને પ્રથમ મહિલા મેલાનિયા ટ્રમ્પ આવી રહ્યાં છે. મેલાનિયા દુનિયાની સૌથી સુંદર સ્ત્રી હોવાના કારણે ગુગલમાં સૌથી વધારે સર્ચ થાય છે. 

મેલાનિયા ટ્રમ્પની ત્રીજી પત્ની છે

ઉલ્લેખનીય છે કે ટ્રમ્પે સૌથી પહેલા ઈવાના સાથે લગ્ન કર્યા હતા અને બન્નેને ત્રણ બાળકો છે. ઈવાનાના સાથે છુટાછેડા બાદ ટ્રમ્પે મારલા મૈપલ્સ સાથે લગ્ન કર્યા હતા. જેની એક દીકરી ટિફની ટ્રમ્પ છે. પછીથી તેમના છુટાછેડા થયા હતા. એ બાદ તેમણે મેલાનિયા સાથે લગ્ન કર્યા હતા.