અમેરિકાના રાષ્ટ્રપતિ ગુજરાત આવવાના છે ત્યારે અમદાવાદને અમેરિકા બનાવવાના પ્રયાસો આદરવામાં આવ્યા છે. યુધ્ધના ધોરણે અમદાવાદને સજાવવામાં આવી રહ્યું છે. કરોડોનો ધુમાડો કરીને પણ જગતજમાદારને આવકારવા અમદાવાદ કોર્પોરેશન, ભારત સરકાર, ગુજરાત સરકાર અને ક્રિકેટ એસોશિએશન થનગની રહ્યું છે.
યુધ્ધને ધોરણે થઈ રહ્યા છે કામ
ક્રિકેટ સ્ટેડિયમ તૈયાર થઇ રહ્યું છે અને ટૂંક સમયમાં કામ પૂર્ણ થઇ જશે
ગાંધી આશ્રમમાં બૉમ્બ સ્ક્વોડ દ્વારા ચેકિંગ શરૂ કરવામાં આવ્યું
અમેરિકાના રાષ્ટ્રપતિ ડોનાલ્ડ ટ્રમ્પ બે દિવસ ભારતના પ્રવાસે આવશે. આગામી 24 ફેબ્રુઆરીએ ભારતના પ્રવાસે આવી રહ્યાં છે. અમદાવાદના મોટેરા સ્ટેડિયમમાં કાર્યક્રમ યોજાશે. જેને લઇને મોટેરા સ્ટેડિયમમાં તડામાર તૈયારીઓ ચાલી રહી છે. ટ્રમ્પની મુલાકાત પહેલા મોટેરાને સજાવી દેવાશે. ફ્લોરિંગ, પ્લાન્ટિંગ, રોડ બનાવવાની કામગીરી શરૂ કરી દેવામાં આવી છે. તો સાથે જ પાર્કિંગ વ્યવસ્થા સહિત તમામ તૈયારીઓ શરૂ કરી દેવાઇ છે
અમેરિકન રાષ્ટ્રપતિ ડોનાલ્ડ ટ્રમ્પ આગામી 24 અને 25 તારીખે અમદાવાદ આવી રહ્યાં છે. ત્યારે અમદાવાદ મુલાકાતને લઇ ટ્રમ્પે કહ્યું કે મેં પીએમ મોદી સાથે વાત કરી છે. પીએમ મોદીએ સ્પષ્ટ કહ્યું કે અમદાવાદમાં તેમના સ્વાગત માટે લાખો લોકો હાજર હશે. અમેરિકામાં સામાન્ય રીતે હું જેટલા લોકોને સંબોધિત કરું છું. તેની હવે વધુ ખુશી નહીં થાય.
ક્રિકેટ સ્ટેડિયમ તૈયાર થઇ રહ્યું છે અને ટૂંક સમયમાં કામ પૂર્ણ થઇ જશે
અમેરિકામાં સંબોધન સમયે 40થી 50 હજાર લોકો હોય છે. અમદાવાદમાં એરપોર્ટથી નવા સ્ટેડિયમ સુધી અંદાજે 50થી 70 લાખ લોકો હશે. મોટેરા ક્રિકેટ સ્ટેડિયમ વિશ્વનું સૌથી મોટું ક્રિકેટ સ્ટેડિયમ છે. હાલ ક્રિકેટ સ્ટેડિયમ તૈયાર થઇ રહ્યું છે અને ટૂંક સમયમાં કામ પૂર્ણ થઇ જશે. કામ પૂર્ણ થયા બાદ વિશ્વનું સૌથી મોટું ક્રિકેટ સ્ટેડિયમ બનશે. પીએમ મોદી મારા મિત્ર છે અને એક સારા વ્યક્તિ છે. હું આ મહિનાના અંતમાં ભારત જઇ રહ્યો છું.
ગાંધી આશ્રમમાં બૉમ્બ સ્ક્વોડ દ્વારા ચેકિંગ શરૂ કરવામાં આવ્યું
તો અમેરિકાના રાષ્ટ્રપતિ ડોનાલ્ડ ટ્રમ્પ ગાંધી આશ્રમની પણ મુલાકાત લેવાના છે. ત્યારે ટ્રમ્પની મુલાકાતને લઈ ગાંધી આશ્રમમાં તૈયારી પૂરજોશમાં ચાલી રહી છે. રિવરફ્રન્ટના કાંઠે સ્ટેજ બનાવવામાં આવી રહ્યું છે. ડોનાલ્ડ ટ્રમ્પ અને PM મોદી રિવરફ્રન્ટનો નજારો માણશે. તો ગાંધી આશ્રમમાં હૃદય કુંજ અને ચરખામાં રંગરોગાન કરવામાં આવ્યું છે. પોલીસ અધિકારીઓ દ્વારા સુરક્ષા વ્યવસ્થાની સમીક્ષા કરવામાં આવી છે. તો ગાંધી આશ્રમમાં બૉમ્બ સ્ક્વોડ દ્વારા ચેકિંગ શરૂ કરવામાં આવ્યું છે.