અમેરિકી રાષ્ટ્રપતિ ડોનાલ્ડ ટ્રમ્પ સંક્રમિત હોવા છતાં કોરોના વાઇરસને લઇને ગંભીર નથી. તેમનો ઇલાજ ચાલુ હોવા છતાં તેઓ રવિવારે બપોરે વોલ્ટર હીડ હોસ્પિટલમાં જોવા મળ્યા.
કાળા રંગની એસયુવીમાં ટ્રમ્પ માસ્ક લગાવીને પાછળની સીટ પર બેઠા હતા. તેમણે હોસ્પિટલની બહાર રહેલા તેમના સમર્થકોનું હાથ હલાવીને અભિવાદન પણ કર્યું. આ બધું એક જ મિનિટમાં થઇ ગયું. આમ કરતાં પહેલાં તેમણે ટ્વિટર પર એક વીડિયો પોસ્ટ કરીને તેની જાણકારી પણ આપી. માસ્કને લઇને બેજવાબદારી દર્શાવનાર ટ્રમ્પથી પહેલેથી જ વિપક્ષો અને હેલ્થ એક્સપર્ટ નારાજ છે.
ગાડીમાં હાજર તમામ લોકો બીમાર પડી શકે છે
વોલ્ટર હીડ હોસ્પિટલના ફિઝિશિયન ડો. જેમ્સ ફિલિપ્સે ટ્વિટ કર્યું કે ટ્રમ્પ સાથે ગાડીમાં હાજર તમામ લોકોએ હવે ૧૪ દિવસ માટે ક્વોરન્ટાઇન થવું પડશે. તેઓ બીમાર પડી શકે છે, તેમનાં મૃત્યુ પણ થઇ શકે છે. પોતાનાં રાજકીય ડ્રામા માટે ટ્રમ્પ બીજા લોકોનો જીવ જોખમમાં ન મૂકી શકે. આ સંપૂર્ણપણે પાગલપન છે. રાષ્ટ્રપતિની એસયુવી બુલેટપ્રૂફ છે અને કેમિકલ હુમલાથી બચવા માટે સીલ પણ છે. આવા સંજોગોમાં તેની અંદર કોરોના સંક્રમણ ફેલાવવાનો ખતરો પણ વધુ છે.
Every single person in the vehicle during that completely unnecessary Presidential “drive-by” just now has to be quarantined for 14 days. They might get sick. They may die. For political theater. Commanded by Trump to put their lives at risk for theater. This is insanity.
ટ્રમ્પની સુરક્ષા માટે હંમેશા સિક્રેટ સર્વિસના એજન્ટ્સ હાજર રહે છે
અમેરિકી રાષ્ટ્રપતિની ગાડીમાં તેમની સુરક્ષા માટે હંમેશાં સિક્રેટ સર્વિસના એજન્ટ્સ હાજર રહે છે. ટ્રમ્પે ગાડીનો ઉપયોગ કરીને સેલ્ફ ક્વોરન્ટાઇનના નિયમોનો ભંગ કરીને પોતાનો જીવ જોખમમાં નાંખ્યો છે. વિપક્ષી પાર્ટી ડેમોક્રેટ્સનું કહેવું છે કે આ બીજું કંઇ નહીં, પરંતુ ચૂંટણીને જોતાં ટ્રમ્પનું એક ફોટો ઓપરેશન છે. ટ્રમ્પની પત્ની અને ફર્સ્ટ લેડી મેલેનિયાએ પોતાની તમામ મુલાકાતો રદ કરી દીધી છે. તેમણે જણાવ્યું કે સંક્રમણ બીજા લોકોમાં ન ફેલાય તે માટે આ નિર્ણય લીધો છે.
BREAKING: President @realDonaldTrump greets supporters outside of Walter Reed:
ડોનાલ્ડ ટ્રમ્પ કોરોના સંક્રમિત થતાં એવી અટકળો પણ ચાલી રહી છે કે શું અમેરિકાની ચૂંટણીઓ ટળી જશે. હવે મતદાનને ૩૦ દિવસથી પણ ઓછો સમય બચ્યો છે. હવે સૌથી મોટી અસર આખા કેમ્પેઇન પર પડી છે. ડોનાલ્ડ ટ્રમ્પે પોતાનુ આખું કેમ્પેઇન રદ કરી દીધું છે. ઉપરાષ્ટ્રપતિ માઇક પેન્સ જવાબદારી સંભાળી રહ્યા છે. આ જ અઠવાડિયે વાઇસ પ્રેસિડેન્શિયલ ડિબેટ થશે.