અમેરિકાના રાષ્ટ્રપતિ ડોનાલ્ડ ટ્રમ્પે વધુ એકવાર ચીનને ધમકી આપી છે. ટ્રમ્પના મતે ચીન તરત જ વેપાર કરાર પર અમેરિકા સાથે વાતચીત કરે. ટ્રમ્પે ચેતાવણી આપી છે કે, વાતચીતનો આ યોગ્ય સમય છે. 2020 પછી વાતચીત વધારે ખરાબ થશે. ચીન અને અમેરિકા વચ્ચે ઘણા સમયથી વેપાર યુદ્ધ કોલ્ડ રીતે ચાલી રહ્યું છે.
અમેરિકા અને ચીન વચ્ચે બે દિવસ સુધી ચાલેલી વેપાર વાર્તા કોઈ પણ પરિણામ વગર ખતમ થઈ છે. નિષ્ફળ વાતચીત બાદ રાષ્ટ્રપતિ ડોનાલ્ડ ટ્રમ્પે પોતાના અધિકારીઓને ચીનથી આયાત થતાં તમામ પ્રકારના માલ પર ટેરિફ વધારવાના આદેશ આપી દીધા છે.
અમેરિકાએ 200 અરબ ડોલરની ચીની ઉત્પાદનો પર ટેરિફની દર 10 ટકાથી વધારી 25 ટકા કરી દીધી છે. ચીનથી આયાત થતી 5,700થી વધુ વસ્તુઓ પર અમેરિકાએ ટેરિફ વધારી દીધો છે.
ટ્રમ્પે કહ્યું કે, ચીન એમ ન સમજે કે આ વખતે કોઈ ડેમોક્રેટ અમેરિકાનો રાષ્ટ્રપતિ બનવા જઈ રહ્યો છે. તે જ અમેરિકાના રાષ્ટ્રપતિ બનવા જઈ રહ્યા છીએ. ત્યારે ચીનને ભોગવવાનો વારો આવશે. આમ ચીનને ખુલ્લામાં ધમકી આપી છે.
અમેરિકા સાથે તેની વેપાર વાર્તા નિષ્ફળ નથી થઈ. હવે પછીનો રાઉન્ડ બેઈજિંગમાં થશે. ચીનના શીર્ષ વેપાર વાર્તાકાર લિયુ હેએ વોશિંગ્ટનમાં કહ્યું કે, અમેરિકાની સાથે બેઈજિંગમાં વેપાર વાર્તા ચાલુ રહેશે.