અમેરિકી પ્રેસિડેન્ટ ડોનાલ્ડ ટ્રમ્પે USની ચુંટણીમાં ફ્લોરીડાના એક મતદાન કેન્દ્રમાં મતદાન કર્યું હતું. આ ઉપરાંત તેમણે એક કોમેડિયનની આકરી ટીકા કરી હતી.
અમેરિકાની ચુંટણીનો માહોલ તેના મધ્યાહને છે. રાષ્ટ્રપતિ ડોનાલ્ડ ટ્રમ્પે પોતે મતદાન કર્યું હતું. તેમણે મતદાન કર્યા બાદ સ્મિત કરીને કહ્યું હતું કે મેં ટ્રમ્પ નામના એક વ્યક્તિને વોટ આપ્યો. લગભગ 55 મિલિયન અમેરિકનો અત્યાર સુધી વોટિંગ કરી ચુક્યા છે.
ટ્રમ્પ ચુંટણીના અંતિમ તબક્કામાં નોર્થ કેરોલિના, ઓહાયો અને વિસ્કોનસિનમાં રેલી કરવા જઈ રહ્યા છે.
આ ઉપરાંત ડોનાલ્ડ ટ્રમ્પના વકીલ રૂડી જુલિયાની ઉપર બ્રિટીશ કોમેડિયન બેરન કોહેને બનાવેલા વિડિયોની ટ્રમ્પે આકરી ટીકા કરી હતી. ટ્રમ્પે કહ્યું હતું કે તેમણે હજુ સુધી આ વિડિયો જોયો નથી પરંતુ કોહેને એક વખત ટ્રમ્પને એક બિઝનેસ આઈડિયા આપીને ફસાવવાની કોશિશ કરી હતી.
આ ઉપરાંત ટ્રમ્પના વકીલ રૂડી જુલિયાનીએ પણ આ વિડિયોનની ઝાટકણી કાઢીને વિડિયોમાં બતાવવામાં આવેલ ઘટનાને બનાવટી (ફેક) ગણાવી હતી.