એક્શન / કોરોનાને લઈને ડોનાલ્ડ ટ્રમ્પે કર્યું એવું ટ્વિટ કે ટ્વિટરે તરત જ કરી આ કાર્યવાહી

• ડોનાલ્ડ ટ્રમ્પ અને ટ્વિટર વચ્ચેનો જંગ
• ડોનાલ્ડ ટ્રમ્પની કોરોનાની સારવારની ટ્વિટને ટ્વિટરે ઠેરવી ખોટી
• ટ્વિટરે ટ્રમ્પની આ ટ્વિટ પર લગાવ્યો ફ્લેગ

 
રવિવારે ડોનાલ્ડ ટ્રમ્પે એક ટ્વિટ કર્યું છે. જેમાં તેઓએ લખ્યું કે વ્હાઈટ હાઉસના ડોક્ટરો દ્વારા તેમને સંપૂર્ણ રીતે સાજા થયેલા જાહેર કરાય છે. હવે તે કોઈ અન્યને કોરોનાથી પીડિત કરી શકશે નહીં. તેઓ રેલીઓમાં જવા માટે પણ તૈયાર છે. 

A total and complete sign off from White House Doctors yesterday. That means I can’t get it (immune), and can’t give it. Very nice to know!!!

— Donald J. Trump (@realDonaldTrump) October 11, 2020

ટ્વિટરે કર્યું આ કામ
ટ્વિટરની તરફથી આ ટ્વિટને નિયમોની વિરુદ્ધ ગણવામાં આવી રહી છે. ટ્વિટરે તે ટ્વિટ પર ફ્લેગ લગાવ્યો છે અને કહ્યું છે કે આ ટ્વિટ ખોટી જાણકારી વાળી છે. તેમાં એક ચેતવણી આપવામાં આવી છે. સામાન્ય લોકો કન્ફ્યુઝ ન થાય તે માટે ટ્વિટરે આ કામ કર્યું છે. ટ્વિટરની તરફથી મળતી માહિતી અનુસાર અમેરિકી રાષ્ટ્રપતિના ટ્વિટ કોરોના સંકટને લઈને ખોટા દાવા કરી રહ્યા છે.  

ટ્વિટરે આપી આ ચેતવણી

જો કે વ્હાઈટ હાઉસની તરફથી કોઈ જાણકારી આપવામાં આવી નથી કે ડોનાલ્ડ ટ્રમ્પમાં કોરોનાના લક્ષણ નથી. જો કે હજુ પણ તે કોરોના નેગેટિવ હોવાનું જાણવા મળ્યું નથી. સાથે ટ્રમ્પે ટ્વિટમાં દાવો કર્યો છે કે હવે તેઓ કોઈને વાયરસ ફેલાવી શકશે નહીં જે ખોટું છે. આ કારણે જ ટ્વિટરે ચેતવણી આપી છે. 
 
એક તરફ અમેરિકાની ચૂંટણીમાં રાષ્ટ્રપતિ ડોનાલ્ડ ટ્રમ્પ પાછળ રહેતા જોવા મળી રહ્યા છે. એવામાં તેમની તરફથી કોશિશ કરવામાં આવી રહી છે કે તેઓ ફરીથી પ્રચાર શરૂ કરે અને રેલીને સંબોધિત કરે. આ કારણ છે કે તેઓ હોસ્પિટલથી જલ્દી બહાર આવ્યા અને સતત ટ્વિટ અને વીડિયો પણ પોસ્ટ કરી રહ્યા છે.