અમેરિકાના રાષ્ટ્રપતિ ડોનાલ્ડ ટ્રમ્પે ફરી એક વાર ટ્વીટ કરીને ભારત દ્વારા અમેરિકન ઉત્પાદનો પરના ટેરિફમાં વધારા સામે નારાજગી વ્યક્ત કરી છે.
ઉલ્લેખનીય છે કે, ડોનાલ્ડ ટ્રમ્પે વડા પ્રધાન નરેન્દ્ર મોદીને તાજેતરમાં લાદવામાં આવેલા ભાવ વધારાને પાછો ખેંચી લેવા કહ્યું હતું. ત્યારે ટ્રમ્પે કહ્યું કે તે સ્વીકાર્ય નથી અને તે બાબત આજે પણ કહી હતી. જાપાનમાં જી -20 સમિટમાં વડા પ્રધાન મોદી સાથે બેઠક પહેલાં પણ આ વાત કહી હતી.
ત્યારે ટ્રમ્પે કહ્યું હતું કે, હું આ તથ્ય પર પ્રધાનમંત્રી મોદી સાથે વાત કરવા માટે ઉત્સુક છું કે ભારતે વર્ષોથી અમેરિકા પર ઉચ્ચ શુલ્ક લગાવ્યા છે. ત્યારે તાજેતરમાં પણ ફરીવાર ભાવ વઘારો કર્યો છે. આ બાબત સ્વીકાર્ય નથી અને આ વધારાને પરત લેવો જોઇએ.
India has long had a field day putting Tariffs on American products. No longer acceptable!
આપને જણાવી દઇએ કે, અમેરિકાએ ભારતને ખાસ પસંદગી(GSP) ની યાદીમાંથી બહાર કર્યું છે. ત્યારબાદ ભારતે પણ જવાબ આપતા અમેરિકાથી આયાત થતા 28 ઉત્પાદનો પર આયાત શુલ્ક વધારી દીધું છે. આ સિવાય ટ્રમ્પ અમેરિકી મોટરસાયકલો પર ભારત દ્વારા આયાત શુલ્કને 100 ટકાથી 50 કરવામાં આવ્યો છતાં રાજી નથી. તેમનું માનવું છે કે, આ શુલ્કને શૂન્ય કરી દેવામાં આવે.
29 વસ્તુઓ પર ભારતે લગાવી છે એડિશનલ કસ્ટમ ડ્યૂટી
ભારતે અમેરિકાના ઉત્પાદન પર એડિશનલ કસ્ટમ ડ્યૂટી લગાડવાનો નિર્ણય કર્યો છે. આ યાદીમાં ભારતે 29 ઉત્પાદનોને સમાવેશ કર્યો હતો. ઉલ્લેખનીય છે કે, ભારતે અમેરિકાના 29 ઉત્પાદનો પણ એડિશનલ કસ્ટમ ડ્યૂટી લાદવાનો નિર્ણય કર્યો હતો, જેમાં બદામ, અખરોટ તથા કઠોળનો સમાવેશ કરવામાં આવેલ છે. આ તમામ ઉત્પાદનો પર આગામી 16 જૂનથી એડિશનલ કસ્ટમ ડ્યૂટી લગાડી છે.
સૂત્રો દ્વારા પ્રાપ્ત થયેલ જાણકારી મુજબ સમયગાળો વધાર્યા બાદ 29 અમેરિકી ઉત્પાદનો પર વધારાનો બોર્ડર ચાર્જ લગાડવાનું નક્કી કરવામાં આવ્યું હતું. આગામી 16 જૂનથી જ આ નિયમ લાગુ પાડવામાં આવ્યો છે.