એક્શન / અમેરિકા: પૂર્વ રાષ્ટ્રપતિ ડોનાલ્ડ ટ્રમ્પની મુશ્કેલીઓ વધી, ફ્લોરિડામાં નિવાસસ્થાન પર FBIના દરોડા

• પૂર્વ અમેરિકી રાષ્ટ્રપતિએ કર્યો મોટો દાવો
• FBIએ ટ્રમ્પના નિવાસસ્થાને દરોડા પાડ્યા
• ન્યાય વિભાગ આ બાબતને લઈને કરી રહ્યું છે તપાસ

પૂર્વ અમેરિકી રાષ્ટ્રપતિ ડોનાલ્ડ ટ્રમ્પે સોમવારે દાવો કર્યો છે કે ફ્લોરિડા સ્થિત તેમના માર-એ-લાગો નિવાસ પર FBIના એજન્ટો દ્વારા દરોડા પાડવામાં આવ્યા છે. તેમણે તેને પોતાના વિરુદ્ધ ષડયંત્ર હોવાનો દાવો કર્યો હતો. તેમણે ટ્રુથ સોશિયલ નેટવર્ક પર પોસ્ટ કરીને પોતાના નિવેદનમાં જણાવ્યું હતું કે, આ રાષ્ટ્ર માટે કાળો દિવસ છે કારણ કે, ફ્લોરિડાના પામ બીચમાં મારુ અત્યંત સુંદર નિવાસસ્થાન પર હાલમાં ઘેરાબંધી, દરોડા અને એફબીઆઈના એજન્ટોનું એક મોટા ગ્રુપ દ્વારા કબ્જો કરી લેવામાં આવ્યો છે. 

ટ્રમ્પે લગાવ્યો આ આરોપ

ટ્રમ્પે લેફ્ટ ડેમોક્રેટ્સ પર આરોપ લગાવતા કહ્યું કે, તેઓ નથી ઈચ્છતા કે, 2024માં રાષ્ટ્રપતિ પદ માટે હું દાવેદારી કરુ. આ દરોડા ગેરકાયદેસર છે. તેની સાથે જ ન્યાય પ્રણાલીનું હથિયારીકરણ છે. જો કે, એક ન્યૂઝ એજન્સીના જણાવ્યા અનુસાર એફબીઆઈએ હજૂ સુધી આ દરોડાની પુષ્ટિ કરી નથી. સાથે જ દરોડાના કારણે વિશે પણ એફબીઆઈ તરફથી કોઈ સત્તાવાર નિવેદન આવ્યું નથી, પણ ટ્રમ્પ તપાસના દાયરામાં છે.

આ કેસને લઈને થઈ રહી છે તપાસ

આપને જણાવી દઈએ કે, અમેરિકી ન્યાય વિભાગ ટ્રમ્પના સમર્થકોની ભીડ દ્વારા યુએસ કેપિટલ પર 6 જાન્યુઆરીના રોજ હુમલાની તપાસ કરી રહ્યું છએ. આ ઘટના પ્રતિનિધિ સભા સમિતિનો તપાસનો વિષય છે. પણ એટોર્ની જનરલ મેરિક ગારલેંડે હજૂ સુધી કોઈ પણ અપરાધી પર આંગળી ઉઠાવી નથી. તેમણે કહ્યું કે, અમે એ દરેક વ્યક્તિને જવાબદાર ઠેરવવા માગીએ છીએ, જે કાયદેસરની ચૂંટણીને પલટવાની કોશિશના ગુનાના જવાબદાર હતા. હાલમાં જ તેમણે ભાર આપીને કહ્યું હતું કે, કોઈ પણ વ્યક્તિ કાયદાથી ઉપર નથી. 

ચૂંટણી હાર્યા બાદ ટ્રમ્પે કર્યું હતું આ કામ

ટ્રમ્પે પોતાની 2020ની ચૂંટણી હાર બાદ પોતાની સાથએ સરકાર દસ્તાવેજોમાંથી લગભગ 15 બોક્સ ફ્લોરિડા લઈ ગયા હતા. ન્યાય વિભાગ મુખ્ય રીતે આ રેકોર્ડ બોક્સની ગુપ્ત જાણકારી શોધી રહી છે અને તેની તપાસ થઈ રહી છે. આ ઉપરાંત જોર્જિયામાં 2020માં ચૂંટણી પરિણામ ફેરવવાના પ્રયાસની તપાસ થઈ રહી છે. તેની સાથે જ ન્યૂયોર્કમાં ટ્રમ્પની બિઝનેસ ગતિવિધિઓની પણ તપાસ થઈ રહી છે.