મહેમાનગતિ / ગુજરાતની મહેમાનગતિને યાદ કરતા ડોનાલ્ડ ટ્રમ્પે કહ્યું કે, હવે અહીં ઉત્સાહ આવવો મુશ્કેલ છે

• ભારતની મહેમાનગતિથી ડોનાલ્ડ ટ્રમ્પ ખૂશ છે , તેમણે અમેરિકાની રૈલીમાં યાદ કરી
• ટ્રમ્પે કહ્યું કે ગુજરાતમાં 1 લાખથી વધારે લોકો તેમના સ્વાગતમાં આવ્યાં હતા
• ટ્રમ્પે કહ્યું કે તમે માત્ર 15 હજાર જ  છો, આવામાં ઉત્સાહ આવવો મુશ્કેલ છે

લાખોની ભીડ જોયા પછી આ સંખ્યા ઓછી લાગે છે 

અમેરિકાના રાષ્ટ્રપતિ ડોનાલ્ડ ટ્રમ્પ ભારતથી પાછા ફરતાની સાથે જ ચૂંટણીના મુડમાં આવી ગયા છે. ભારતના પ્રવાસ દરમિયાન તેમના સ્વાગતમાં આવેલી ભીડ તેમની રેલીનો ભાગ બની ગયો છે. તેઓ પોતાની પાર્ટી રિપબ્લિકનની એક આવી જ રેલી દરમિયાન ટ્ર્મ્પે ગુજરાતના પ્રવાસનો ઉલ્લેખ કર્યો હતો. એટલું જ નહી તેમની સામે આવેલા લોકોની સામે એવુ કહી દીધું કે ભારતમાં મારા સ્વાગત માટે આના કરતા વધારે સંખ્યામાં લોકો આવ્યાં હતા. લાખોની ભીડ જોયા પછી આ સંખ્યા ઓછી લાગે છે. 

તમે અહીં માત્ર 15 હજાર લોકો આવ્યા છો

અમેરિકાના રાષ્ટ્રપતિ ડોનાલ્ડ ટ્રમ્પ ગુજરાતના પ્રવાસથી ખુબ પ્રભાવિત થયા છે. તેમને પોતાના ગુજરાત પ્રવાસનો ઉલ્લેખ અમેરિકાની એક રેલીમાં કરતા PM મોદીના પણ વખાણ કર્યા હતા. ભારતમાં તમામ મોદીને પ્રેમ કરે છે. ઉલ્લેખનીય છે કે અમેરિકામાં રિપબ્લિકન પાર્ટીની રેલી યોજાઇ હતી. રેલીમાં ટ્રમ્પે ગુજરાતના પ્રવાસનો ઉલ્લેખ કરતા કહ્યું કે ભારતમાં તેમના સ્વાગતમાં એક લાખ લોકો આવ્યા હતા. પરંતુ આ રેલીમાં ઓછા છે. તમે અહીં માત્ર 15 હજાર લોકો આવ્યા છો. ભારતમાં ભીડ જોયા બાદ ઉત્સાહ આવવો મુશ્કેલ છે.