કાશ્મીર મામલમાં મધ્યસ્થતાને લઇને અમેરિકાના રાષ્ટ્રપતિ ડોનાલ્ડ ટ્રમ્પના દાવાની પોલ ખુલી ગઇ છે. ડેમોક્રેટિક પાર્ટીના સાંસદ બ્રેડ શેરમેને કહ્યું છે કે દરેક લોકો જાણે છે કે ભારતના વડાપ્રધાન નરેન્દ્ર મોદી ક્યારેય આવી વાત ન કરી શકે. ડોનાલ્ડ ટ્રમ્પનું આ નિવેદન ખોટુ તેમજ શરમજનક છે.
બ્રેડ શેરમેને કહ્યું કે જે લોકો દક્ષિણ એશિયાની વિદેશ નીતિ અંગે કંઇ પણ જાણે છે, તેઓને ખબર છે કે કાશ્મીર મુદ્દે ભારત સતત ત્રીજા પક્ષની દખલગીરીનો વિરોધ કરતું આવ્યું છે. દરેક લોકો જાણે છે કે વડાપ્રધાન નરેન્દ્ર મોદી ક્યારેય આવી વાત ન કરી શકે, અમેરિકાના રાષ્ટ્રપતિ ડોનાલ્ડ ટ્રમ્પનું આ નિવેદન ખોટુ તેમજ શરમજનક છે.
અમેરિકાના સાંસદ બ્રેડ શેરમેને પોતાના બીજા ટવિટમાં જણાવ્યું છે કે મે ડોનાલ્ડ ટ્રમ્પની શરમજનક ભૂલ માટે ભારતીય રાજદૂત હર્ષ વી શ્રૃંગલા પાસે માફી માગુ છું. ઉલ્લેખનીય છે કે પાકિસ્તાનના વડાપ્રધાન ઇમરાન ખાન સાથેની મુલાકાત દરમિયા અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો હતો કે ભારતના વડાપ્રધાન નરેન્દ્ર મોદીએ તેમને કાશ્મીર મુદ્દે મધ્યસ્થતા કરવા જણાવ્યું હતું.
આમ અમેરિકાના રાષ્ટ્રપતિ ડોનાલ્ડ ટ્રંપની જમ્મૂ-કશ્મીર મુદ્દે મધ્યસ્થીની વાતને ડેમોક્રેટિક પાર્ટીના સાંસદ બ્રૈડ શેરમેને ફગાવી છે. બ્રૈડ શેરમૈને કહ્યું હતું કે, તમામ લોકો જાણે છે કે, ભારતના વડાપ્રધાન નરેન્દ્ર મોદી ક્યારેય આવી વાત કરી શકે નહીં.
Brad Sherman, US Congressman: Everyone knows PM Modi would never suggest such a thing. Trump’s statement is amateurish and delusional and embarrassing. https://t.co/sS0EfgxhvO